सिन्धुली । मध्यपहाडी लोकमार्गको फिक्कल गाउँपालिका वडा नं ६ नागथानमा टाटासुमो दुर्घटना भएको छ ।

आइतबार बिहान साढे २ बजे सडकबाट सुनकोशी नदीमा टाटासुमो झर्दा ३ जनाको घटनास्थलमै मृत्यु भएको छ भने ४ जना घाइते भएका छन् ।

काठमाडौंबाट खोटाङतर्फ जाँदै गरेको को१ज२९७६ टाटासुमो गाडी सडकबाट २ सय मिटर तल सुनकोशीमा खसेको थियो । घटनास्थलमा ३ जना महिलाको शव भेटिएको प्रहरीले जनाएको छ ।

चालकसहित २ जना पुरुष, १ महिला र एक बालिकालाई उद्धार गरी उपचारको लागी पठाइएको जिल्ला प्रहरी कार्यालय सिन्धुलीका डीएसपी विजय श्रेष्ठले बताएका छन् । चालकको भनाइअनुसार ३ जना बेपत्ता रहेको पनि उनले जानकारी दिए ।

मृतकहरूको पहिचान खुल्न सकेको छैन । बेपत्ता भएकाहरूको खोजी जारी रहेको र घाइतेहरूको घुर्मी उदयपुरस्थित जनसेवा हेल्थ सेन्टर प्रालिमा उपचार भइरहेको श्रेष्ठले जानकारी दिएका छन् ।

घाइते हुनेहरूमा चालक ओखलढुंगाका आशिष विष्ट, खोटाङ दिक्तेल नगरपालिका वडा नं.३ की सम्झना राई र उनकी छोरी १२ वर्षीय सिवानी राई र खोटाङ दिक्तेल नगरपालिका वडा नं. १ का १३ वर्षीय अंकित वि.क. रहेको श्रेष्ठले जानकारी दिए ।
चारै जनाको अवस्था गम्भीर रहेको प्रहरीले जनाएको छ ।

सम्बन्धित समाचार

नारायणघाट–बुटवल सडकखण्डमा बाँदरका लागि छुट्टै पुल यस्तो छ कांग्रेस केन्द्रीय कार्यसमितिको निर्वाचन तालिका, असोज २२ गते मतदान नेपालीको महान् पर्व बडादसैँ सुरु, आज घटस्थापना गरिँदै बाढीमा सम्पर्कविहीन प्राधिकरणका कर्मचारी परिवारलाई राहत रकम दिन शुरु नवरात्रको चौथो दिनः कुष्माण्डा देवीको पूजा आराधना गरिँदै भोटेकोशी–त्रिशूली बाढीका कारण क्षतिग्रस्त १८ झोलुंगे पुल मर्मतपछि सञ्चालनमा यी हुन् मन्त्रिपरिषद्का १३ निर्णय अब मिठाईमा मिसाइएका पदार्थ र उपभोग्य मिति अनिवार्य