सिड्नी । अस्ट्रेलियाविरुद्धको तेस्रो टेस्टमा भारत पहिलो पारीमा २ सय ४४ रनमा समेटिएको छ । दुई विकेटको नोक्सानबाट आज तेस्रो दिन खेल्न सुरु गरेको भारतका लागि चेतेश्वर पूजारा र शुभम गिलले अर्धशतकीय पारी खेले ।
कप्तान अजिन्क राहाने २२ रनमा आउट भएपछि भारतको विकेट एकपछि अर्को गर्दै झर्न थाल्यो । विकेट किपर ऋषव पन्तले ३६ तथा रविन्द्र जडेजाले २८ रन बनाउनुबाहेक अन्य खेलाडी सस्तैमा समेटिए ।
ताजा अवस्थामा अस्ट्रेलियाले १ सय ५९ रनको अग्रता लिएको छ । दोस्रो पारीमा अस्ट्रेलियाले दुई विकेटको नोक्सानमा ७० रन बनाएको छ । उसले सुरुका ब्याट्सम्यान गुमाइसकेको छ । मार्नुस् र स्टिभले अस्ट्रेलियाको पारी बडो धैर्यताका साथ सम्हालिरहेका छन् ।
तपाइको प्रतिक्रिया
(Visited 202 times, 1 visits today)
