काठमाडौं । काठमाडौंसहित देशका विभिन्न स्थानमा जेन–जी पुस्ताको प्रदर्शन र देशको समसामयिक अवस्थालाई मध्यनजर गर्दै नेकपा (माओवादी केन्द्र) का उपलब्ध पदाधिकारीहरूको आकस्मिक बैठक भिमसेन थापा गाउँपालिका–३, टारिफाटमा बसेको छ।

बैठकले जारी जनतासँग माओवादी मध्यपहाडी (पुष्पलाल लोकमार्ग) जनजागरण अभियान स्थगित गर्दै भोलि काठमाडौंमा पूर्ण पदाधिकारी बैठक बोलाउने निर्णय गरेको छ। बैठकले जेन–जी पुस्ताको प्रदर्शनका क्रममा भएको दुस्खद घटनाले स्तब्ध र गम्भीर बनाएको उल्लेख गर्दै, प्रहरीको गोली लागेर मृत्यु भएका युवाप्रति हार्दिक श्रद्धाञ्जली अर्पण गर्नुका साथै घाइतेहरूको शिघ्र स्वास्थ्यलाभको कामना गरेको छ।

त्यसैगरी, जेन–जीले उठाएका सामाजिक सञ्जालमाथिको प्रतिबन्ध हटाउने र भ्रष्टाचारविरुद्धका मागहरूलाई तत्काल सम्बोधन गर्न तथा स्थिति थप बिग्रिन नदिन जिम्मेवारीपूर्वक ठोस कदम चाल्न सरकारसमक्ष माग गरेको छ।

सम्बन्धित समाचार

गण्डकी प्रदेशसभाबाट दलित अधिकार तथा सशक्तिकरण विधेयक पारित पत्रकार महासंघ र सञ्चार मन्त्रालयबीचमा ४ बुँदे सहमति विधान महाधिवेशनअघि एमालेको केन्द्रीय कमिटी बैठक नबस्ने पाताले छाँगो (डेभिजफल) ४० वर्षसम्म निजी कम्पनीलाई ठेक्का, स्थानीयको निरन्तर विरोध रुपन्देही-३ मा कांग्रेसबाट पूर्वगर्भनर चिरञ्जीवी नेपाल उम्मेदवारको आकांक्षी अस्पतालको लापरवाहीले शिशुको मृत्यु भएको भन्दै कारवाहीको माग