बझाङ । बझाङ जिल्लामा बुधबार विहानदेखि बजारमा सुरक्षाकर्मी तैनाथ गरिएको छ । जिल्लाभरिका सम्पूर्ण सरकारी कार्यालय तथा सार्वजनिक भौतिक संरचनाहरूमा सुरक्षा ब्यावस्था कडाई गरिनुका साथै निगरानी समेत बढाएको प्रमुख जिल्ला अधिकारी कैलाश ठकुराठीले जानकारी दिए ।

सुरक्षा समितिको बैठेकले बेलुका ५ बजेदेखि सदरमुकाम चैनपुर तथा अन्य ठाउँमा अनावश्यक आवतजावत गरेको, हुलहाल गरेको, अनाहकमा सार्वजनिक भौतिक संरचनामाथि तोडफोड गरेको फेला परेको खण्डमा गोली समेत हान्न सकिने छ । साथै सम्पूर्ण सुरक्षाकर्मीहरूलाई पनि सोही अनुसार तयारी अवस्थामा राखेको र निर्देशन पनि सोही अनुसार भएको स्रोतले जनाएको छ ।

जेनजिको नाममा अराजक समुहहरूले र केही रिसिवि साध्ने तरिकाले अराजक गतिविधि हुन थालेपछिसुरक्षा ब्यावस्थामा कडाई गरिएको हो । जिल्लाका सबै नागरिकहरूलाई आ-आफ्ना बालबालिकाहरूको सुरक्षा गर्न र अनाहकमा बाहिरी निस्कन र हुलहाल नगर्न दिन प्रमुख जिल्ला अधिकारी ठकुराठीले सम्पुर्ण अभिभावकहरू लाई अनुरोध समेत गरेका छन् ।

यदि कोही कसैको लहलहैमा लाग्दा ठुलो दुर्घटना समेत हुनसक्ने भएको कारण यसमा अभिभावकहरूले आफ्ना साना बालबालिकाहरूको रेखदेख तथा निगरानि गर्नका लागि अनुरोध गरेका छन् ।

अहिले सदरमुकाम चैनपुरमा सुरक्षाकर्मी अन्तरगत नेपाल प्रहरी, सशस्त्र प्रहरी बल नेपाल र नेपालि सेनालाई परिचालन गरिएको छ । नेपाली सेनाले माईकिङ गर्दै अनावश्यक रूपमा हिड्डुल नगर्न, भिडभाड नगर्न आफ्नो बासस्थान तथा गाउँघर टोलमा कुनै अप्रिय घटना घट्न खोजे र अपरिचित ब्याक्ति देखेको खण्डमा नजिकैको प्रहरीको पैशा नलाग्ने नम्बर १०० नेपाली सेनाको ०१५९७९००० मा सम्पर्क गरि जानकारी गराउन अनुरोध गरेको छ ।

नेपाली सेनाले बुधबार २५ गतेको ५ बजे बेलुका बाट विहिवार २६ गते विहान ६ बजे सम्म कर्फ्यु आदेश जारी गरेको छ । साथै उक्त विषय ’bout जानकारी गराउन आम नागरिकलाई माईकिङ गर्दै नेपाली सेनाले जानकारी गराई रहेका छन् । नेपाली सेनाले जानकारी गराए अनुसार नै काम गर्न प्रमुख जिल्ला अधिकारिले सबै नागरिकहरूलाई अनुरोध गर्नु भएको छ ।

सम्बन्धित समाचार

एमाले अध्यक्षमा उठेमा भण्डारीले हार्ने र हारेपछि बिरोधमा लाग्ने ओलीको दावी एमाले विधान महाधिवेशनः केन्द्रीय कमिटी छलेर सोझै बन्दसत्रमा प्रतिवेदन ओली चीन उडेकै दिन विद्यालाई ५१ किलोको मालाले स्वागत संविधान दिवसमा एकता घोषणा गर्ने चार दलको तयारी ! शीतलनिवास, सिंहदरबार, नारायणहिटीलगायतका मुख्य क्षेत्रमा थपियो कर्फ्यु कफ्यु लागे पनि बानेश्वर क्षेत्रमा आन्दोलन झन उग्र जेनजीमाथि राज्यसंयन्त्रको नरसंहार रास्वपाका सबै सांसदले राजीनामा दिने