मुम्बई । चलचित्र ‘रंगीला’ भन्न साथ धेरैले एउटा रोमान्टिक चलचित्र सम्झने गर्छन् । ९० को दशकमा रिलिज भएको राम गोपाल वर्माको यो सुपर हिट चलचित्र थियो । जसले त्यति बेला बक्स अफिसमा महिनौँसम्म दर्शकको ठुलो भिड ल्याएको थियो ।

यही चलचित्र चाँडै नै ठुलो पर्दामा पुनरागमन हुने भएको छ । आमिर खान, उर्मिला मातोंडकर र ज्याकी श्राफको शीर्ष भूमिका रहेको चलचित्र ‘रंगीला’ लाई निर्माण भएको ३० वर्षको अवसरमा पुन रिलिज गरिने भएको छ । धेरै दर्शकहरूले अहिले पनि ‘रंगीला’लाई त्यत्तिकै सम्झने गरेकाले यसलाई पुन रिलिज गर्न लागिएको निर्माता राम गोपाल बर्माले बताएका छन् । यो चलचित्रलाई ३० वर्ष पुरानो अनुभूति दिन अपग्रेड गरिएको ध्वनि र दृश्य गुणस्तरको साथ फेरि प्राविधिक रूपमा ‘डिआई’ गरिएको छ । यो चलचित्रलाई अब यही अक्टोबरमा रिलिज गरिने भएको छ ।

‘रंगीला’को ’boutमा राम गोपालले भने,‘३० वर्ष अघि ८ सेप्टेम्बर, १९९५ मा रिलिज भएको रंगीला त्यस समयको सर्वाधिक हिट साबित भएको थियो र यसलाई दर्शकले अनौठो प्रेम कथा, मनमोहक दृश्यहरू र एआर रहमानको माधुर्य साउन्ड ट्र्याकको लागि अहिले पनि सम्झिने गर्नु हुँदो रहेछ ।’

उनको भनाइमा एआर रहमानले आफ्नो पहिलो मौलिक संगीत पनि चलचित्र ‘रंगीला’ मै दिएका थिए । आमिर खान, उर्मिला मातोंडकर र ज्याकी श्राफको अभिनय, गतिशील कोरियोग्राफी र यादगार गीतहरूका कारण आफ्नो मन जितेको भनाई अहिले पनि दर्शकहरूबाट सुन्न पाइन्छ । एक पटक दर्शकलाई फेरी ३० वर्ष अघिको आनन्द अहिलेको सुपर डिजिटल चलचित्र घरमा ‘रंगीला’ले दिलाउने विश्वास राम गोपालको रहेको छ ।

निर्देशक राम गोपालले भने,‘अल्ट्रा मिडियाको लोकप्रिय पहल अल्ट्रा रिवाइन्डको एक भागको रूपमा चलचित्रको पुनः रिलिजले पुराना प्रशंसकहरूको लागि जादु पुनः सिर्जना गर्ने र नयाँ पुस्तालाई यसको आकर्षण पनि परिचय गराउने लक्ष्य राखेको छ ।’

यस्तै अभिनेत्री उर्मिला मातोंडकरले यो चलचित्र पुनः रिलिज हुन लागेकोमा खुसी व्यक्त गरेकी छिन् । चलचित्र पुन रिलिज अघि नै आफ्नो भावना व्यक्त गर्दै उनले इन्स्टाग्राम पेजमा लेखेकी छिन्, ‘यो मेरो लागि कहिल्यै केवल चलचित्र मात्र थिएन । यो एकदमै विशेष अनुभूति थियो, र अझै पनि खुसी, आशा, सपनाले भरिएको सबैभन्दा महत्त्वपूर्ण चलचित्र बनेको छ ।’

सम्बन्धित समाचार

चितवनदेखि ‘आ बाट आमा’को छायांकन सुरु ‘कुमारी’ नाममा फेरि नयाँ चलचित्र निर्माण नेपथ्यले डेनमार्कमा नचायो नेपाली छोराछोरीको घरबार टुट्दा पीडा हुन्छः धर्मेन्द्र किसान बनेर जग्गा किन्दा विवादमा सुहाना खान १२ दिनमा ‘माग्ने राजा’को व्यापार ४ करोड ९ लाख चलचित्र ‘बलिदान’को टिम विरुद्ध साइबर ब्युरोमा उजुरी ‘मिसेस् नेपाल वल्र्ड २०२५’मा ३० प्रतियोगी चयन