राजविराज । सप्तरीको विष्णुपुर गाउँपालिकाका एक पछि अर्को वडा बालविवाहमुक्त घोषणा भएको छ । पछिल्लो पटक शनिवार सो पालिकाको वडा नं. ५ बालविवाहमुक्त वडा घोषणा भएको हो । सातवटा वडा रहेको पालिकामा यो संगै बालविवाहमुक्त घोषणा हुने वडाको संख्या चार पुगेको छ ।

यस अघि मंसिर २७ गते वडा नं. १, पौष २ गते वडा नं. २ र पौष ४ गते वडा नं. ३ लाई बालविवाहमुक्त वडा घोषणा गरिएको थियो ।

विष्णुपुर गाउँपालिका ५ स्थित जनता आधारभुत विद्यालय मझाउमा शनिवार आयोजित एक समारोह बीच वडा न. ५ लाई बालविवाह मुक्त घोषणा गरिएको हो ।

वडा ५ का वडाअध्यक्ष जिवछ मण्डलको अध्यक्षतामा आयोजित समारोहमा प्रमुख अतिथि गाउँपालिका अध्यक्ष उमेश प्रसाद यादव, बालविवाह मुक्त लेखिएको ब्यानर पढेर घोषणा सभाको उद्घाटन गरे ।

उद्घाटन पश्चात् उनले बालविवाहले निम्त्याउने स्वास्थ्य, पारिवारिक, समाजिक तथा आर्थिक समस्याका ’दयगतमा चर्चा गर्दैै यसलाई रोक्न सबैले आ–आफनो क्षेत्रबाट योगदान गर्नू पर्नेमा जोड दिए । वडालाई बालविवाह मुक्त बनाउन सफल भएकोमा वडावासीलाई बधाई दिदै उनले यसलाई कायम राख्न सबै पक्षको उत्तिकै जिम्मेवारी रहेको उल्लेख गरे ।

सेभ द सप्तरीका अध्यक्ष ध्रुव देवले जिल्लालाई नै बालविवाहमुक्त बनाउने योजना रहेको सुनाउदै बालविवाहले निम्त्याउने स्वास्थ्य, पारिवारीक, समाजिक तथा आर्थिक समस्याका ’दयगतमा चलाइएको सचेतना अभियानलाई प्रभावकारी ढंगले अघि बढाइने जनाए ।

वडालाई बालविवाह मुक्त घोषणा गर्न विगत एक वर्षदेखी सेभ द सप्तरी, सेभ द चिल्ड्रनको सहयोग तथा वडा कार्यालयलले सबैको साथ लिई बालविवाह मुक्त अभियान संचालन निर्देशीका २०८० बमोजिम गरेको विभिन्न कार्यक्रम अभियान र प्रयास पश्चात १२ बुँंदे स्पष्ट सूचक प्राप्त भएकाले त्यसैका आधारमा यस्तो घोषणा गरिएको सेभ द सप्तरीका कार्यक्रम प्रबन्धक संजिव चौधरीले बताए ।

नेपालको कानुनले विवाह गर्ने उमेर २० वर्ष तोकेको छ । त्यसैकारण घोषणा सभाको मुख्य नारा “नै करु वियाह के बात, बियाह करु बीस के बाद” (केटा केटीको उमेर २० वर्ष नपुगे सम्म विहेको कुरा नसोचौ नगरौ) तय गरिएको सेभ द सप्तरीका शिक्षा अधिकृत दुर्गानन्द शर्माले बताए ।

उनले सो वडामा वसोवास गर्दै आएका विभिन्न समुदायका प्रतिनिधी, अगुवा, पुरोहित, मौलाना, मायनजन लगायतले पालिकामा बालविवाह हुन नदिने प्रतिबद्धता समेत जनाएको बताए ।

उनले वडा वडामा शिक्षा, स्वास्थ्य लगायतका क्षेत्रमा संस्थाले थप लगानी गर्ने योजना बनाइएको समेत जानकारी दिए । अभिभावकले समेत सन्तानको उमेर नपुगी बालविवाह नगर्न–नगराउने कतै भए सहभागी नभई विरोध र अवरोध गर्ने प्रतिबद्धता जनाएपछि बालविवाह मुक्त वडा घोषणा गर्न सहज भएको सेभ द सप्तरीका अध्यक्ष देवको भनाई छ ।

सम्बन्धित समाचार

पालिकाहरुमा संगठन बिस्तार गर्दै राष्ट्रिय वैश्य महासंघ मधेश प्रदेशमा बालबालिका अपराधका तीन हजार भन्दा बढी घटना दुई दशकदेखि फरार अभियुकत पर्सामा पक्राऊ मधेशमा आत्महत्याको अवस्था भयावह बन्दै खाल्डा–पोखरीले बढायो जोखिम त्रिशलामा मृत भेटिएकी सुनिताको पक्षमा कडा प्रदर्शन हटाइयो ३१ घुमुवा प्रहरी दुई सय असक्तले चिसोबाट जोगिन पाए कम्बल