काठमाडौं । नेपाली कांग्रेसका सभापतिले झापामा आयोजित एक कार्यक्रममा क्रियाशील सदस्यता अद्यावधिक नगरेका व्यक्तिहरू पार्टीको सदस्य नरहने अभिव्यक्ति दिएको विषयलाई लिएर पार्टीभित्र असन्तुष्टि देखिएको छ ।

सभापति थापाले सदस्यता अद्यावधिक नगरेका व्यक्तिहरूको नाम वडा अधिवेशनदेखि माथिल्लो तहसम्मको निर्वाचन प्रक्रियामा समावेश नहुने तथा आगामी १५औं महाधिवेशनमा सहभागी हुन नपाउने बताएका थिए । उनका अनुसार अद्यावधिक नभएका सदस्यलाई पार्टीको प्रणालीले समेत नचिन्ने अवस्था रहनेछ ।

यस विषयमा पार्टीभित्रका केही नेता तथा कार्यकर्ताले गम्भीर आपत्ति जनाएका छन् । उनीहरूले लामो समयदेखि पार्टीमा योगदान पुर्‍याएका, आफ्नो जीवन, ऊर्जा तथा संघर्ष समर्पण गरेका नेता–कार्यकर्ताको सदस्यता खारेज गर्नु लोकतान्त्रिक मूल्य र मान्यताको विपरीत भएको नेपाली कांग्रेसका युवा नेता भुपेन्द्रजंग शाहीले आरोप लगाएका छन् ।

असन्तुष्ट पक्षले पार्टीमा एकलौटी निर्णय, फरक विचारप्रति असहिष्णुता तथा अद्यावधिक प्रक्रियालाई राजनीतिक रूपमा प्रयोग गरेर सदस्यता व्यवस्थापन गर्न खोजिएको उनको आरोप छ । उनका अनुसार पार्टीभित्र फरक मत राख्ने, नेतृत्वलाई प्रश्न गर्ने वा वैकल्पिक धारणा प्रस्तुत गर्ने कार्यकर्तालाई निषेध गर्ने प्रयास भइरहेको छ ।

नेपाली कांग्रेस कुनै व्यक्ति वा समूहको निजी सम्पत्ति नभएको उल्लेख गर्दै पार्टी लोकतान्त्रिक अभ्यास, बहस र विचारको प्रतिस्पर्धाबाट सञ्चालन हुनुपर्ने शाहीले बताएका छन् । फरक विचार राख्ने कार्यकर्तामाथि दबाब सिर्जना गर्ने तथा सदस्यता खारेजको चेतावनी दिने प्रवृत्तिले पार्टीको लोकतान्त्रिक चरित्र कमजोर बनाउने उनको तर्क छ ।

यसैबीच, सदस्यता अद्यावधिक नगरेका कारण समस्यामा परेका, अन्याय महसुस गरेका तथा पार्टीभित्र उपेक्षित बनेका कार्यकर्तालाई एकजुट हुन शाहीले आह्वान गरेका छन् । असन्तुष्ट समूहले पार्टीभित्रै रहेर लोकतान्त्रिक अधिकार, विचारको स्वतन्त्रता र संगठनात्मक न्यायका लागि संघर्ष जारी राख्ने उनले प्रतिबद्धता व्यक्त गरे ।

निराश भएर पार्टी त्याग्नेभन्दा पनि नयाँ ऊर्जा, जागरूकता र साहसका साथ संगठनभित्रै सुधारको अभियान अघि बढाउनुपर्नेमा जोड शाहीले जोड दिएका छन् ।

सम्बन्धित समाचार

प्रहरी सङ्गठन जनताका पहिलो सरकार होः मुख्यमन्त्री कार्की कामपाको नीति तथा कार्यक्रमः फोहोरमैला व्यवस्थापन उच्च प्रथामिकतामा ग्रामीण क्षेत्रमा दूरसञ्चार सेवा विस्तार गर्न एक हजार छ सय टावर निर्माण गरिने रास्वपा प्रथम महाधिवेशनः महाधिवेशन स्थल निर्माण तीव्र सञ्चारमन्त्रीसँग हुवावे एसिया प्रशान्त क्षेत्रका अध्यक्षद्वारा शिष्टाचार भेट रास्वपा महाधिवेशनमा आफैँ जाने भए गगन थापा सभापति लामिछाने र वरिष्ठ नेता शाहद्वारा महाधिवेशन उद्घाटन आर्थिक अनियमितता गर्नेविरुद्ध थप आक्रमक हुने प्रधानमन्त्रीको संकेत