काठमाडौं । राष्ट्रिय स्वतन्त्र पार्टी (रास्वपा)को केन्द्रीय सदस्य पदका लागि भएको मतदान सम्पन्न भएको छ । आज बिहानबाट सुरु भएको मतदान केहीबेरअघि सकिएको हो ।

नेता गणेश पराजुलीका अनुसार करिब ६० प्रतिशत मतदान भएको अनुमान गरिएको छ । गत ७ असारदेखि जारी महाधिवेशन अन्तर्गत चितवनको भरतपुरमा पहिलो चरणमा केन्द्रीय सदस्यका लागि मतदान गरिएको हो । सोही चरणको मतदानपछि नतिजा सार्वजनिक गर्ने तयारी गरिएको छ ।

विधानअनुसार रास्वपामा कुल १५८ जना केन्द्रीय सदस्य रहने व्यवस्था छ । तीमध्ये ९९ जना निर्वाचित हुनेछन् भने ५१ जना सभापति रवि लामिछानेले मनोनीत गर्नेछन्। साथै सातै प्रदेशका सभापतिहरू स्वतः केन्द्रीय सदस्य हुने प्रावधान रहेको छ ।

सभापतिमा रवि लामिछाने निर्विरोध निर्वाचित भइसकेका छन् । मतदान सकिएको करिब दुई घण्टाभित्र नतिजा सार्वजनिक हुने अपेक्षा गरिएको छ । त्यसपछि पदाधिकारी चयनको दोस्रो चरणको निर्वाचन प्रक्रिया अघि बढ्ने बताइएको छ ।

सम्बन्धित समाचार

‘विपद् व्यवस्थापनमा कानुन बाधक’ यस्तो छ– काँग्रेस असन्तुष्ट पक्षलाई पठाएको ७ बुँदे प्रस्ताव ग्रामीण क्षेत्रमा दूरसञ्चार सेवा विस्तार गर्न एक हजार छ सय टावर निर्माण गरिने पूर्वप्रधानमन्त्री र मन्त्रीहरूले बुझाएनन् सम्पत्ति विवरण रास्वपा महाधिवेशनमा आफैँ जाने भए गगन थापा कांग्रेस रास्वपाको दुश्मन होइन, प्रतिस्पर्धी हो: गगन थापा रास्वपा महाधिवेशन: प्रतिनिधि फकाउँदै, मत माग्दै उम्मेदवारका आकांक्षी रास्वपा महाधिवेशनः ९ मन्त्री मैदानमा उत्रदा पूर्वपदाधिकारी मनोनयनको सुरक्षित बाटोमा