काठमाडौं । चीनको बेइजिङमा आयोजना हुन लागेको ‘नेपाल–चीन बिजनेस एन्ड इनभेष्टमेन्ट समिट २०२६’ मा सहभागी हुन निर्यात व्यवसायी महासंघ (फिन) को प्रतिनिधिमण्डल बुधबार चीन प्रस्थान गरेको छ ।

नेपाली दूतावासको आयोजना तथा चाइना काउन्सिल फर द प्रमोजन अफ इन्टरनेसनल ट्रेडको सहयोगमा १ र २ जुलाई (असार १७ र १८ गते) बेइजिङस्थित सीसीपीआईटी अडिटोरियममा यो समिट आयोजना हुँदैछ । फिनको ९ सदस्यीय टोलीको नेतृत्व अध्यक्ष गोविन्दप्रसाद घिमिरेले गरेका छन् ।

चीन प्रस्थान गर्नुअघि अध्यक्ष घिमिरेले भने– ‘विभिन्न देशका व्यावसायिक संस्थाहरूसँग निरन्तर सम्पर्क, नेटवर्क र सहकार्य गरेर अगाडि बढ्ने फिनको उद्देश्य हो । चिनियाँ उद्यमलाई विश्वव्यापी अवसरहरूसँग जोड्न सीसीपीआईटीले अमूल्य पुलको रूपमा काम गर्दै आएको छ र यो सम्मेलन प्रभावकारी हुने विश्वास लिएका छौं ।’

नेपाली दूतावासकी आर्थिक कुटनीति प्रमुख पार्वती अर्यालले नेपालको प्रिमियम प्रोडक्टहरूको बजारीकरणदेखि प्रविधि हस्तान्तरणसम्मका लागि यो समिट निकै सहयोगी सिद्ध हुने बताइन । अर्यालले समिटमा नेपालको व्यापार तथा लगानीका अवसर र नीतिहरूका ’boutमा विशेष प्रस्तुतीकरण हुने बताइन ।

समिटमा व्यवसायीहरुको नेपाल उद्योग वाणिज्य महासंघलगायतका व्यवसायी संस्थाका प्रतिनिधिहरुको सहभागीता छ । चाइना चेम्बर अफ इन्टरनेसनल कमर्सका द्विपक्षीय सहयोग विभागका महानिर्देशक सु चियाङ, नेपाल सरकारको व्यापार तथा निकासी प्रवद्र्धन केन्द्रका उप–निर्देशक राजेन्द्र सिंह, निर्यात व्यवसायी महासंघका अध्यक्ष गोविन्द प्रसाद घिमिरे, उद्योग वाणिज्य महासंघको निर्यात प्रवद्र्धन समितिका सभापति होमप्रसाद घिमिरे, नेपाल जडिबुटी उत्पादक संघका डा. ध्रुव भट्टराईलगायतले नेपालका प्रमुख उद्योग र निर्यातजन्य सम्भावना’bout कार्यपत्र प्रस्तुत गर्ने छन् ।

सिआइसिआइसी र दाहुआ टेक्नोलोजी जस्ता स्थापित चिनियाँ कम्पनीहरूले नेपालमा काम गर्दाको आफ्नो अनुभव साझा गर्नेछन् । चिनियाँ र नेपाली व्यवसायीहरूबीच सिधा व्यावसायिक संवाद हुनेछ, जसले प्रत्यक्ष वैदेशिक लगानी र व्यापार सम्झौताका लागि बाटो खोल्ने अपेक्षा गरिएको छ ।

शिखर सम्मेलनले नेपालमा चिनियाँ लगानी भित्र्याउन र नेपाली उत्पादनहरूलाई चिनियाँ बजारमा स्थापित गर्न कोेसेढुङ्गा सावित हुने विश्वास लिइएको छ ।

सम्बन्धित समाचार

नेप्सेले पायो नयाँ नेतृत्व, अमृत लम्साल अध्यक्षमा नियुक्त फास्ट ट्र्याक निर्माणमा बागमतीका मुख्यमन्त्रीकै अवरोध पोखराका होटल तथा रेष्टुरेन्टलाई लोगो स्तरीकरण तथा नवीकरणको प्रमाणपत्र एडिबीद्वारा ११ करोड ५० लाख अमेरिकी डलरको सहुलियत ऋण स्वीकृत कार्यवाहक नगरप्रमुखको पालामा वीरगन्जको झन ठूलो बजेट सम्पत्ति शुद्धीकरण निवारण विधेयक स्वीकृत हुम्ला जोड्ने दोमुख पुल अलपत्र पार्ने ठेकेदारमाथि कारबाही हुने सुनचाँदीको मूल्य घट्यो, आज कतिमा हुँदैछ कारोबार ?