मुम्बई । बलिउड अभिनेता आमिर खान यति बेला आफ्नो तेस्रो विवाहमा व्यस्त छन् । उनी आइतबार दाम्पत्य सम्बन्धमा बाँधिँदै छन् । उनले तेस्रो श्रीमतीको रूपमा ५ जुलाईमा गौरी स्प्रैटलाई भित्राउँदै छन् । त्यसो त आमिर र गौरी केही समय यताबाट लिभिङ टुगेदरमासँगै बस्दै आएका छन् । तथापि आफूहरूको प्रेमलाई उनीहरूले कानुनी रूपमा विवाहको दर्जा दिन लागेका हुन् ।

आफूले यो विवाहको लागि ठुलो समारोह आयोजना नगर्ने आमिरले बताएका छन् । आफन्त र नजिकका साथीहरूलाई बोलाएर आफ्नै निवासमा एक सानो समारोहबिच यो विवाह गरिने पनि आमिरले बताएका छन् ।

आमिरले यस अघि रीना दत्ता र किरण रावसँग विवाह गरेका थिए । उनले पहिलो विवाह सन् १९८६ मा रीना दत्तासँग र दोस्रो विवाह २००५ मा किरण रावसँग गरेका थिए । यी दुबैसँग सम्बन्ध विच्छेद भएपछि उनले यति बेला गौरीसँग तेस्रो विवाह गर्न लागेका हुन् ।

गत वर्ष आफ्नो ६०औँ जन्मदिनका अवसरमा अभिनेता आमिरले आफ्नो प्रेमिकाको रूपमा गौरीलाई चिनाएका थिए । त्यसपछिबाट उनीहरू सम्बन्धमा रहँदै आएका छन् । गौरी बेङलुर निवासी हुन् । पेसाले उनी सैलुन व्यवसायी र फेसन व्यवसायी हुन्। गौरीको पनि यो दोस्रो विवाह हो । आमिरसँग गौरीको विगत २५ वर्षदेखि चिनजान थियो । यो चिनजान यति बेला विवाहमा परिणत हुँदैछ ।

सम्बन्धित समाचार

महत्वपूर्ण निर्णय दुई महिनासम्म किन गुपचुप राखियो ? प्रधानमन्त्री बालेनका लागि लटौली सेन्चुरी रिसोर्टको १६ कोठा प्रतिनिधिसभा बैठक किन भयो स्थगित? वायोपिकमा अग्रज कलाकार ‘मदनकृष्ण’ ओस्कारमा जान ‘एलिफेन्ट्स इन द फग’ भदौमै रिलिज मौलिक खानासँगै काठमाडौंको टोल टोलमा चलचित्र महोत्सव जुम्लामा चिकित्सकमाथि अभद्र व्यवहार गर्ने युवक पक्राउ ८९ अङ्कसहित भरतपुर अस्पताल उत्कृष्ट ठहर