पर्सामा जबर्जस्ती करणी गरी फरार कसुरदार काठमाडौंबाट पक्राउ

वीरगन्ज । कुनै पनि अपराध गरी फरार भएपनि प्रहरीले चाहे उन्मुक्ति पाउन सक्दैन भन्ने सानो उदाहरण पर्सा प्रहरीले पेस गरेको छ । ७ असोज २०७९ मा वीरगन्ज महानगरपालिका–९ रानीघाटमा कक्षा १० मा अध्ययनरत बालिकालाई विवाह गर्छु भनी ललाइफकाई जबरजस्ती करणी (जक) गरी फरार भएका पर्साका रोहण केशरी काठमाडौंबाट पक्राउ परेका हुन् ।

पीडितले घटना भएलगत्तै वीरगन्जको नारायणी अस्पतालमा स्वास्थ्य परीक्षण गराई पर्सा प्रहरीमा जाहेरी दिएको मुद्दाको २३ असार २०८१ मा पर्सा जिल्ला अदालतले फैसला गरी पीडकलाई कसुरदार ठहर गरेको थियो । सो जाहेरीका आधारमा पर्सा प्रहरीले अनुसन्धानपछि मुद्दाको फाइल खडा गरी पर्सा जिल्ला अदालतमा पेस गरेको थियो ।

पर्सा जिल्ला अदालतको तथ्यांकमा उल्लेख मुद्दा नम्बर २०७९–सी१–०४८१ तिनै पीडक केशरी र पीडित बालिकाको घटनाको हो । सो मुद्दाको फैसला गर्दै पर्सा जिल्ला अदालतका जिल्ला न्यायाधीश मुन्ना सिंहले पीडक केशरीलाई ७ वर्ष कैद र ३ लाख ३७ हजार रुपैयाँ जरिवाना तोकेको पर्सा जिल्ला अदालतको स्रेस्तेदार प्रभाकर मल्लिकले बताए । सो समयदेखि केशरी फरार थिए ।

काठमाडौं उपत्यका अपराध अनुसन्धान कार्यालय टेकु र पर्सा प्रहरीको संयुक्त प्रहरी टोलीले काठमाडौंको एयरपोर्ट नजिक गोल्डेन गेट अगाडिबाट मंगलबार केशरीलाई पक्राउ गरी पर्सा जिल्ला अदालतमा पेस गरेको पर्साका प्रहरी प्रवक्ता प्रहरी नायव उपरीक्षक चक्रबहादुर मल्लले बताए ।

कसुरदारले कक्षा १० मा अध्ययनरत स्थानीय बालिकालाई फकाई जक गरेको अदालतबाट पनि पुष्टि भएपछि प्रहरी उनको निगरानीमा थियो । तर कसुरदार केशरीले वीरगन्ज छोडिसकेको खुल्यो । तथापि प्रहरी उनको निगरानीमा लागिरहेकै बखत काठमाडौंबाट उनी प्रहरी नियन्त्रणमा परेको प्रहरी नायव उपरीक्षक मल्लले बताए ।

केशरीको घर काठमाडौं–१३ कुलेश्वरमा पनि भएको प्रहरीको अनुसन्धानका क्रममा खुलेको पाइएको छ ।

तपाइको प्रतिक्रिया
(Visited 197 times, 1 visits today)

सम्बन्धित समाचार

असई विक मृत्यु प्रकरण: पूर्वसांसद महतोसहित ६ जनालाई ५ वर्ष कैद, ३ जनालाई जन्मकैद सजाय आँपको सुगन्धले चिनिएको श्रीपुर गाउँ मौलापुरको बजेट फ्रिज गराउने षडयन्त्रमा लागेको छ : मेयर रिना साह वीरगन्जमा ‘रोजगार मेला २०८३’ सरकारी प्रतिबद्धतापछि ५१ दिनदेखि जारी आन्दोलन स्थगित सिंहदरबार परिसरकै गाडीमा ट्राफिक प्रहरीले लगायो ‘ह्विल लक’ मौलापुरमा प्रशासकीय अधिकृत नपठाएपछि आन्दोलनकारीले जलाए प्रधानमन्त्रीको पुतला धनुषामा उपमेयर सवार गाडी र एम्बुलेन्स ठोक्किँदा ८ जना घाइते

epaper

प्रमुख

ताजा समाचार

३२ असार २०८३
काठमाडौं । सर्वोच्च अदालतले सार्वजनिक पदाधिकारी र अवकाशप्राप्त सबै व्यक्तिहरूको सम्पत्ति छानबिन रोक्न सम्पत्ति छानबिन आयोगलाई कामकारबाही रोक्न अन्तरिम आदेश दिएको छ । न्यायाधीश नृपध्वज निरौलाको इजलासले आयोगको कामकारबाही रोक्नू ...
दाङ । यहाँस्थित जखेरा तालको मनमोहक दृश्यले आन्तरिक तथा बाह्य पर्यटकलाई लोभ्याइरहेको छ । दाङको लमही नगरपालिका–३ मा पर्ने जखेरा सरोवर उत्कृष्ट पर्यटकीय केन्द्रका रुपमा परिचित छ । चुरे पहाडको ...
काठमाडौं । मंगलवार ललितपुरको लविम मल स्थित क्युएफएक्स सिनेमामा चलचित्र ‘मास्टर्नी’को गीतको प्रिमियर थियो । यो गीतका रचनाकार, संगीतकार र गायक दुर्गेश थापा थिए । समारोहमा चलचित्र ‘मास्टर्नी’की अभिनेत्री एवम् ...
नवलपरासी । नवलपरासी (बर्दघाट सुस्तापूर्व)को हुप्सेकोट गाउँपालिका–५ बागखोरका पहिरो विस्थापित १८ परिवार पाँच वर्षदेखि अस्थायी शिविरमै जीवन बिताउन बाध्य छन् । २४ असार २०७८ को भीषण पहिरोले बस्ती नै विस्थापित ...
काठमाडौं । सत्तारुढ दल राष्ट्रिय स्वतन्त्र पार्टी (रास्वपा)मा दुई नेताको टकराव र खटपटले अर्थमन्त्री डा. स्वर्णिम वाग्लेको पद धरापमा परेको छ । प्रधानमन्त्री बालेन्द्र शाह (बालेन) र रास्वपा सभापति रवि ...