काठमाडौं । स्टेजमा लेखकले नाटक लेख्दै छिन् । उनी यसरी नाटक लेख्ने क्रममा एउटा पात्रको कल्पना गर्छिन् । त्यो पात्रको ’boutमा जब नाटक लेख्छिन् । त्यति नै बेला ती पात्र लेखकको सामु उपस्थित हुन्छन् ।

यति बेला लेखकलाई सपना देखेजस्तो लाग्छ । उनी नाटकलाई अघि बढाउँछिन् । पात्रको ’boutमा उनले जे गतिविधि लेख्छिन् । ती पात्रले त्यति गतिविधि मञ्चमा गर्दै अघि बढ्छन् । सुरुमा यो दृश्य नाटक लेखकलाई यी सबै घटनाहरू वास्तविक नभएर आफ्नो मनको भ्रम जस्तो लाग्छ । तर नाटक लेख्ने क्रम ‘फस्ट ड्राफ्ट’बाट अघि अर्को ड्राफ्टमा जान्छ । त्यति बेला नाटकका ती पात्रले उल्टै लेखकसँग प्रश्न गर्न थाल्छन् । आफ्नो अस्तित्व र अधिकारको लागि ती पात्रले कडा आवाज उठाउँछन् ।

यति बेला भने ती लेखकलाई यो पात्र आफ्नो कल्पना नभएर साँच्चै मञ्चमा उपस्थित रहेको कुरा प्रस्ट हुन्छ । बिस्तारै लेखकमाथि ती पात्र हाबी हुँदै जान्छन् । अब नाटकको कथा आफूले चाहेको भन्दा ती पात्रको माग अनुसार अघि बढाउनु पर्ने बाध्यतामा ती लेखक पर्छिन । यसपछि लेखक र ती पात्रबिच द्धन्द्ध बढ्दै जान्छ । पात्र झनै विद्रोहमा उत्रन्छिन् । नाटकले फरक घटनाहरूलाई समेट्दै क्लाईमेक्सको रूप लिन्छ ।

काठमाडौँको सुकेधारमा रहेको ओस्कार इन्टरनेशनल कलेज आफ फिल्म स्टडिजमा रहेको साधना घर (नाट्य थिएटर)मा आज साउने सक्रान्तिबाट व्यावसायिक मञ्चन हुने नाटक ‘फस्र्ट ड्राफ्ट’को यो कथा हो । केही दिनदेखि यो नाटकको त्यहाँ नियमित रूपमा अभिनय अभ्यास हुँदै आएको थियो । बिहीबार बेलुका नाटकको पूर्ण अभ्याससहित विशेष सो सम्पन्न गरियो । नाटकलाई सबैले मन पराए । यसलाई शुक्रवारबाट आफूहरूले व्यावसायिक रूपमा मञ्चन गर्न लागेको सो कलेजका प्रिन्सिपल राम राजा दाहालले राजधानीलाई बताए ।
यो नाटकलाई कञ्चन संग्रौलाले लेखेकी हुन् । नाटकको निर्देशन पनि कञ्चनले गरिरहेकी छिन् । यसमा उनी नाटक लेखक मिरा पात्रकै रूपमा मञ्चमा प्रस्तुत भएकी छिन् । समाजमा बढ्दो विसंगतिलाई
मेटा–थिएटरको रूपमा नाटक ‘फस्र्ट ड्राफ्ट’ प्रस्तुत गर्न लागेको निर्देशक एवम् लेखक कञ्चनले बताएकी छिन् ।

लेखकले कल्पना गरेको पात्र हिराको रूपमा मञ्चमा अभय बराल प्रस्तुत भएका छन् । जसमा यो पात्रले आफ्नो अस्तित्वको खोजी गर्छ । ओस्कार इन्टरनेशलन कलेज अफ फिल्म स्टडिजबाट स्नातक गरेका त्यहाँका पूर्व विद्यार्थी अभयको अभिनयलाई बिहीबार बेलुका विशेष सोमा सबैले खुलेर प्रशंसा गरे ।

अहिले समसामयिक परिस्थितलाई आफूले अभिनयबाट प्रस्तुत गरेको अभिनेता अभयले बताए । अहिलेका पुस्ता आफ्नो अधिकारसँगै अस्तित्वको खोजीमा रहेकाले उनीहरूको भावना यो नाटकमार्फत आफूले प्रस्तुत गरेको अभयले राजधानीसँग भने । बिहीबारको विशेष सोमा आफ्नो कामको अरूले तारिफ गर्दा उनले खसी व्यक्त गरे ।
हास्य जनराको यो नाटकले अस्तित्वको पहिचान, आत्मसंघर्ष, आत्मबिद्रोहसँगै सामाजिक न्यायको आवाज उठाएको छ । अर्कोतर्फ कल्पना र यथार्थ बिचको तथ्यलाई पनि नाटकले देखाएको छ । यसलाई आयोजक पक्षले मेटा थिएटरको नाम दिएको छ ।

मञ्चमा प्रस्तुत भएका कञ्चन संग्रौला र अभय बरालले यो नाटक मार्फत डेढ घण्टासम्म दर्शकलाई मनोरञ्जन दिन सफल भएका छन् । दुई पात्रले दर्शकको मन जित्नु नै नाटकको सफलता भएको यसका निर्माता नवीन न्यौपानेले राजधानीलाई बताए । ट्रिओ आट्र्सको सहकार्यमा सम्पन्न यो नाटककी अर्की निर्माता पशुपति राई हुन् ।
यो नाटक शुक्रवारबाट आगामी २० साउनमा सुकेधाराको साधना घरमा हरेक बिहीबार बाहेक अरु दिन नियमित मञ्चन हुने यसका निर्माता नवीनले जानकारी गराए । उनका अनुसार नाटक बेलुका ५ः१५ बजेबाट ६ः४५ बजेसम्म मञ्चन हुनेछ । बुधवार र शनिवार भने २ वटा सो मञ्चन गरिने पनि नवीनले जानकारी गराए ।

‘फस्र्ट ड्राफ्ट’ केवल एउटा नाटक मात्र नभएर आफू तथा आफूजस्ता युवाहरूको सपना रहेको नाटक लेखक तथा निर्देशक कञ्चनले बताइन् । नाटकको कार्यकारी निर्मातामा जानकी कडायत रहेकी छन् ।
यो नाटकलाई कम्तीमा २२ वटा सो आयोजना गरिने भएको छ । यो नाटकको स्टेज म्यानेजर तथा सह निर्देशकमा निष्ठा त्रिपाठी, ध्वनि परिचालनमा देव न्यौपाने, सेट निर्माणमा उमेश चौधरी, सेट डिजाइन तथा लाइट डिजाइनमा, इन्डी रहेका छन् । नाटकको टिकटको मुख्य ३०० , ५०० र एक हजार रुपैयाँ राखिएको छ ।

सम्बन्धित समाचार

एक वर्षदेखि रोकिएको स्टुडियो निर्माण अब अघि बढ्ने तेस्रो विवाहमा व्यस्त आमिर खान ‘नवल खड्का’ पुस्तक बजारमा एपीएफ स्कुलको शुल्क रकम हिनामिना प्रकरण : छानबिनपछि कानुनी कारबाहीका लागि सिफारिस आमा बन्न लागेको भन्दै बधाई आउँदा सामन्था चकित अभिनेत्री निरौलालाई ब्रेन ट्यूमर, अन्नपूर्ण न्यूरोमा शल्यक्रिया ‘जुरासिक पार्क’का अभिनेता साम नीलको निधन वन्यजन्तुका लागि भुल्के छोक्ला सामुदायिक वनमा पोखरी निर्माण