ललितपुर । ललितपुरको नख्खु क्षेत्रबाट प्रहरीले ठुलो परिमाणमा लागुऔषध पोल्याडुसहित एक जनालाई पक्राउ गरेको छ। जिल्ला प्रहरी परिसर ललितपुरका अनुसार नख्खु फूलबारी मार्गबाट २८ वर्षीय एक युवकलाई नियन्त्रणमा लिइएको हो।

पक्राउ पर्नेमा मकवानपुर जिल्ला इन्द्रसरोवर गाउँपालिका-५ घर भई हाल ललितपुर महानगरपालिका-२५ नख्खु बस्ने २८ वर्षीय तीर्थ बहादुर ठोकर रहेका छन्।

जिल्ला प्रहरी परिसर ललितपुरका प्रवक्ता प्रहरी उपरीक्षक गौतम मिश्रका अनुसार, सो क्षेत्रमा लागुऔषध बिक्री वितरण भइरहेको भन्ने गोप्य सूचनाको आधारमा साउन ३ गते बेलुका करिब ७ ३० बजे प्रहरी वृत्त सातदोबाटोबाट सादा पोशाकमा खटिएको टोलीले उनलाई पक्राउ गरेको हो।

ठोकरको साथबाट प्रहरीले प्लास्टिकसहित २ किलो ७९३ ग्राम पोल्याड जस्तो देखिने लागुऔषध र तौल गर्न प्रयोग गरिने एक थान डिजिटल तराजु बरामद गरेको छ।

पक्राउ परेका ठोकरमाथि जिल्ला प्रहरी परिसर ललितपुरले अदालतबाट ५ दिनको म्याद थप गरी आवश्यक अनुसन्धान अगाडि बढाएको जानकारी दिएको छ।

सम्बन्धित समाचार

धुर्वे हात्तीको गतिविधि प्रत्येक १० मिनेटमा लिइँदै सरकार र नेपालीको परिवारबिच ९ बुँदे सहमति प्रधानमन्त्रीद्वारा ‘बर्न’ उपचार केन्द्र विस्तार गर्न निर्देशन लगातारको वर्षाका कारण चितवनको विभिन्न स्थान डुवानमा सिंहदरबारबाट अनेरास्ववियु अध्यक्ष दीपक धामीसहित सात जना पक्राउ प्रधानमन्त्री शाहले महिला उद्यमी महासङ्घका प्रतिनिधिसँग छलफल गर्दै सिंहदरबारमा मिटरब्याज पीडित र सरकारबिच ६ घण्टादेखि वार्ता जारी पौडेललाई साधारण तारेखमा रिहा गर्न आदेश