रौतहट । रौतहट निर्वाचन क्षेत्र नम्बर–४ का रास्वपा सांसद गणेश पौडेलमाथि कालोमसी दलेर दुर्व्यवहार गरिएको छ।

बिहीबार गढीमाई नगरपालिका–७ पर्सामा आयोजित ‘जनतासँग भेटघाट कार्यक्रम’ सकेर फर्किने क्रममा मास्क लगाएका २–३ जनाको समूहले सांसद पौडेलमाथि कालोमसी दलेर फरार भएको बताइएको छ।

सांसद पौडेलका अनुसार राति करिब ८ बजेको बीचमा पछाडिबाट आएका व्यक्तिहरूले अँगालो हालेझैँ गरी उनको ढाडमा कालोमसी दलेका थिए। आक्रमणकारीहरूले हातमा रातो झण्डा र पर्चा बोकेका थिए र आफूलाई ‘मधेश मुक्ति अभियान’सँग आबद्ध रहेको संकेत दिएको उनले दाबी गरेका छन्।

घटनापछि प्रहरीलाई जानकारी गराइएको र अनुसन्धान भइरहेको छ। हालसम्म संलग्न व्यक्तिहरू पक्राउ परेका छैनन्।

सम्बन्धित समाचार

मानव–वन्यजन्तु द्वन्द्व न्यूनीकरणमा मन्त्री चौधरीको जोड कर्णालीको विकासका प्राथमिकता बुझ्न स्थलगत अनुगमनमा मन्त्री लम्साल कर्णालीमा नेकपाले एमाले नेतृत्वको सरकार नमान्ने, अविश्वास प्रस्तावको पक्षमा मतदान गर्ने मधेसका अर्थमन्त्रीसहित सातजना विरुद्ध ३९ करोडको भ्रष्टाचार मुद्दा नागरिकका गुनासा सुन्दै गाउँटोलमा सांसद रानामगर पहिराले मेची राजमार्ग अवरुद्ध के हात्तीले वर्षौँसम्म रिस राख्छ ?