सुदूरपश्चिम । कैलालीको भजनी नगरपालिका–५ स्थित गुलरिया घाट नजिकबाट प्रहरीले भन्सार छली गरी ल्याइएका रु तीन लाखभन्दा बढी मूल्यका सिलाइसम्बन्धी सामग्री बरामद गरेको छ ।

इलाका प्रहरी कार्यालय भजनीबाट प्रहरी सहायक हवल्दार केशव साउदको कमान्डमा खटिएको टोलीले आज बिहान जङ्गल क्षेत्रमा बेवारिसे अवस्थामा रहेको रु तीन लाख चार हजार बराबरका सामान फेला पारिएको जिल्ला प्रहरी कार्यालयले जनाएको हो ।

बरामद गरिएका सामग्रीमा लुगा सिलाउन प्रयोग हुने धागो, फास्टेनिङ टेप, निडल प्लेट, ड्रेस हुक, पिटम्यान सेट, निडल होल्डर, ट्रेडल स्क्रु, सिलाइ मेसिन मोटर, ट्राउजर हुक, धागो काट्ने कैची तथा बटनलगायतका सामग्री रहेका छन् ।

सामान आवश्यक कानुनी प्रक्रिया पूरा गरी राजस्व अनुसन्धान तथा भन्सार कार्यालयमा बुझाइने र सीमावर्ती क्षेत्र भएर हुने भन्सार छली नियन्त्रणका लागि नियमित गस्ती तथा निगरानी गरिरहेको जिल्ला प्रहरी कार्यालयले जनाएको छ ।

सम्बन्धित समाचार

च्याउ खोज्न जंगल गएका १४ महिला बेपत्ता टीकापुर उद्यानमा पर्यटकको आकर्षण २१ जिल्लामा बाढीको जोखिम, सचेत रहन आग्रह वर्षासँगै बाढीपहिरो जाँदा अवरुद्ध छन् यी ८ सडक पहिरोले आठ सडक प्रभावित पाल्पामा टिप्पर दुर्घटना हुँदा चालकको मृत्यु एक वर्षमै एक लाख २७ हजारभन्दा बढी चिठीपत्र तथा हुलाक सामग्री ओसारपसार गेटा विश्वविद्यालयः एकातिर संशय, अर्कातिर उत्साह