काठमाडौं । भूमि व्यवस्था, सहकारी, संघीय मामिला तथा सामान्य प्रशासन मन्त्रालयले सिन्धुपाल्चोकको बलेफी गाउँपालिकाका प्रमुख प्रशासकीय अधिकृत होमबहादुर राउतसँग स्पष्टीकरण मागेको छ।

गाउँपालिकाको कार्यलयमा सेवा लिन आएका एक ज्येष्ठ नागरिकप्रति गरिएको व्यवहारका सम्बन्धमा विभिन्न सञ्चारमाध्यम, सामाजिक सञ्जाल तथा नागरिकस्तरबाट मन्त्रालयमा उजुरी तथा गुनासो प्राप्त भएपछि मन्त्रालयले राउतसँग स्पष्टीकरण मागेको हो।

मन्त्रालयको पत्रअनुसार पत्र प्राप्त भएको मितिले तीन दिनभित्र मन्त्रालयमा उपस्थित भई लिखित स्पष्टीकरण पेश गर्न प्रमुख प्रशासकीय अधिकृत राउतलाई निर्देशन दिइएको छ।

मन्त्रालयले सार्वजनिक पदमा रहेका पदाधिकारी तथा कर्मचारीले सेवाग्राहीप्रति सम्मानजनक, मर्यादित र उचित व्यवहार गर्नुपर्ने भन्दै ज्येष्ठ नागरिकप्रति त्यस्तो व्यवहार नगर्नुको कारण’bout लिखित स्पष्टीकरण मागेको छ।

सम्बन्धित समाचार

चितवनका थपलिया बागमतीमा मुख्यमन्त्री पक्का माग सम्बोधन नभए आन्दोलन चर्काउने दुर्गा प्रसाईंको चेतावनी चितुवालाई नियन्त्रणमा लिन दुई ठाउँमा खोर ‘ग्लोबल ग्याम्बिट : द पिचर्स एरिना’ सम्पन्न काठमाडौंमा हुने भनिएको तिब्बतसम्बन्धी अन्तर्राष्ट्रिय सम्मेलन किन रोकियो ? नेपाल–बंगलादेशबीच मत्स्य क्षेत्रमा सहकार्य गर्ने प्रस्ताव