काठमाडौं । गणपुरक संख्या नपुग्दा प्रतिनिधिसभाको आजको बैठकले खानी तथा खनिज पदार्थ विधेयक, २०८३ माथि विचार गरियोस् भन्ने प्रस्ताव पेस हुन सकेन । सो प्रस्ताव अर्काे बैठकमा निर्णयार्थ पेस गरिने भएको छ ।

नेपालको संविधानको धारा ९४ अनुसार कुनै पनि प्रश्न वा प्रस्ताव निर्णयार्थ पेस गर्न प्रतिनिधिसभाको एक चौथाइ सदस्य अर्थात् ६९ हुनुपर्नेमा ६१ मात्रै सदस्य भएकाले सो विधेयक अर्काे मितिमा निर्णयार्थ पेस गरिने भएको सभामुख डोलप्रसाद अर्यालले जानकारी दिए ।

बैठकमा सांसद निश्कल राईले गणपुरक संख्या नपुगेको भन्दै सभामुखको ध्यानाकर्षण गराएका थिए । सभामुख अर्यालले संसदमा ३ मिनेट घण्टी बजार गणपुरक संख्या यकिन गर्नका लागि निर्देशन दिएका थिए ।

सभाको अर्को बैठक आगामी भदौ १ गते १ बजे बस्ने कार्यसूची रहेको छ ।

सम्बन्धित समाचार

कर्णालीको मुख्यमन्त्रीमा मंगलबहादुर शाही नियुक्त संसदीय सुनुवाइ समितिको बैठक आज बस्दै ब्रड पिकमा भेटियो तीनवटा ट्र्याकिङ उपकरण ब्रोड पिक हिमाल आरोहणमा गएका पुर्जासहित सबै १० जना आरोहीको निधन देशभर ९६ प्रतिशतभन्दा बढी धान रोपाइँ सम्पन्न प्रतिनिधिसभा बैठक बस्दै, यस्ता छन् कार्यसूची स्रोत नखुलेको ५२ लाख ५० हजार रुपैयाँसहित ४ जना पक्राउ प्रधानमन्त्री शाह र सभामुख अर्यालबीच भेटवार्ता