काठमाडौं । कर्णाली प्रदेश सरकारले जाजरकोटको भेरी नगरपालिका–२ रिसाङका पहिरो पीडित परिवारलाई राहत सामग्री पठाएको छ ।

प्रदेश सरकारले आज खाद्यान्नसहित आवश्यक बन्दोबदस्तीका सामग्री प्रभावित क्षेत्रमा पठाएको हो । एक सय ५० थान त्रिपाल, कम्बल ३५० थान, बल्याङ्केट १८५ थान, टेन्ट २० सेट, पिफर्म, प्लास्टिक, चार क्विन्टल चामल, २०० प्याकेट चाउचाउ र चिउरा पठाइएको मुख्यमन्त्री तथा मन्त्रिपरिषद् कार्यालय सुर्खेतका सचिव लक्ष्मीकुमार विकले जानकारी दिए ।

जिल्ला प्रशासन कार्यालय एवं जिल्ला विपद् व्यवस्थापन समिति जाजरकोटबाट माग भइ आए अनुरुप राहत सामग्री पठाइएको सचिव विकले बताए । उनका अनुसार १० जिल्लालाई पुग्ने गरी प्रदेश आपत्कालीन केन्द्रमा भण्डारण गरिएको छ ।

कर्णाली प्रदेशका मुख्यमन्त्री मङ्गलबहादुर शाहीले विपद् प्रतिकार्य, खोज उद्धार तथा राहतका लागि एक हप्ता अघि नै भर्चुअल बैठकबाट तयारी अवस्थामा रहन निर्देशन दिएको बताए ।

अहिले जाजरकोटमा पहिरोमा हराइरहेकाहरूको खोज तथा उद्धार गर्न र विस्थापित परिवारका लागि लागि प्रशासनसहित नेपाल प्रहरी, सशस्त्र प्रहरी बल र नेपाली सेनासहित सुरक्षा जनशक्ति परिचालन गरिएको सचिव विकले बताए ।

राहत तथा पुनः स्थापनका लागि सङ्घ, कर्णाली प्रदेश सरकार र स्थानीय तह मिलेर काम गर्दा त्यसले नागरिकलाई सुरक्षाको प्रत्याभूति हुने उनको भनाइ थियो ।

सम्बन्धित समाचार

देवदारको रुख ढलेपछि … जाजरकोटमा भूकम्पको धक्का अप्ठेरोमा परेकालाई घर–घरमा खाना पकाउने ग्यास : प्रजिअ पुष्टि भएका तथ्य मात्र सम्प्रेषण गर्न प्रहरीको अनुरोध तेल्हा पोखरीमा डुबेर भारतीय दर्शनार्थीको मृत्यु गढन्ता खोलाको बाढीले बगाउँदा एक जनाको मृत्यु जनकपुर मत्स्य केन्द्रद्वारा चार करोड ३८ लाख भुरा उत्पादन बन्दीपुरमा ट्याक्टर दुर्घटना हुँदा १५ जना घाइते