काठमाडौं । बूढानीलकण्ठ नगरपालिका–२ माथिल्लो भंगालस्थित भाडाको घरबाट २१ किलो ७५० ग्राम सुन बरामद भएपछि काठमाडौं सुन तस्करीको बलिो ट्रान्जिट बन्दै गएको देखिएको छ ।

पाँच वर्षमा करिब २ सय करोड बढीको १६१ किलो सुन बरामद

विदेशबाट तस्करी गरेर ल्याइएको सुन काठमाडौंमा भण्डारण र प्रशोधन गरी बजारसम्म पु¥याउने सञ्जाल सक्रिय रहेको पछिल्लो घटनाले देखाएको छ । नेपाल प्रहरीबाट सार्वजनिक भएका वार्षिक विवरणअनुसार आर्थिक वर्ष २०७८–७९ देखि चालु आर्थिक वर्ष २०८२–८३ को असोजसम्ममा करिब १६१ किलो अवैध सुन बरामद भएको छ ।

बरामद भएको समयको बजारभाउलाई आधार मान्दा करिब २ सय करोड रुपैयाँ भन्दा बढी मूल्य बराबरको सनुको अवेध कारोबार भएको देखिएको छ ।

पछिल्लो घटनामा प्रहरीले २१ किलो ७५० ग्राम सुनसहित तीन जना चिनियाँ नागरिकलाई पक्राउ गरेको छ । प्रहरीले बरामद सुनको मूल्य ५४ करोड ६० लाख रुपैयाँभन्दा बढी हो । प्हरकिा अनुसार बरामद सुनमध्ये १० किलो ९९७ ग्राम ११ वटा बिस्कुट आकारका टुक्रामा थियो भने १० किलो ७५२ ग्राम अर्धप्रशोधित अवस्थामा भेटिएको थियो । सुन प्रशोधनमा प्रयोग हुने भट्टी, डिजिटल तराजु, अन्य उपकरण र एउटा गाडीसमेत प्रहरीले नियन्त्रणमा लिएको छ ।

प्रहरीका अनुसार पक्राउ परेका व्यक्तिले बूढानीलकण्ठको घर मासिक ३ लाख ३० हजार रुपैयाँ भाडामा लिएका थिए । घरमा सुन प्रशोधन गरेर बिस्कुट आकारमा ढाल्ने गरिएको प्रारम्भिक अनुसन्धानबाट खुलेको छ । सुन कहाँबाट ल्याइएको थियो? नेपालमा कसको जिम्मामा थियो र अन्तिम खरिदकर्ता को हुन् भन्ने’bout अनुसन्धान भइरहेको प्रहरीले जनाएको छ ।

सुन तस्करीको संगठित सञ्जाल’bout सबैभन्दा ठूलो अनुसन्धानमध्ये एक २०८० साउनमा त्रिभुवन अन्तर्राष्ट्रिय विमानस्थलबाट बरामद ६० किलो ७१६ ग्राम सुनको प्रकरण हो ।

मोटरसाइकलका ब्रेकसुमा लुकाएर ल्याइएको सुनसम्बन्धी अनुसन्धानका क्रममा केन्द्रीय अनुसन्धान ब्युरो (सीआईबी)ले पाँचवटा कम्पनीमार्फत विद्युतीय सामान र ब्रेक सुमा लुकाएर ठूलो परिमाणमा सुन भित्र्याइएको दाबी गरेको थियो ।

सीआईबीका अनुसार विद्युतीय सामानमा लुकाएर २ हजार ८३१ किलो ८९० ग्राम र ब्रेक सुमा लुकाएर ३६२ किलो ७७८ ग्राम सुन ल्याइएको थियो ।

प्रहरीका अनुसन्धानले यो अवधमि ३ हजार १९४ किलोभन्दा बढी सुन भित्रिएको दाबी गरे पनि सो बराबरको सुन भने अहिलेसम्म बरामद भएको छैन । यसालई प्रहरीले नेपाललाई ट्रान्जिट बनाएर गरिएको तस्करीका रुपमा व्याख्या गर्दै आएको छ ।

विद्युतीय चुरोट (भेप) मा लुकाएर सुन ल्याइएको प्रकरणमा पनि अनुसन्धान र मुद्दा प्रक्रिया अघि बढेको थियो । त्यस्तै, दुबईबाट आएको फ्लाई दुबईको उडानमार्फत १४ किलो सुन बरामद भएको प्रकरणमा पनि प्रहरीले सम्भावित तस्करी र तस्कर’bout अनुसन्धान गरेको थियो ।

यी घटनाले सुन तस्करी एउटै व्यक्तिले एकपटक सुन ल्याएको घटनामा सीमित नरहेको देखाउँछन् । विदेशबाट सुन ल्याउने, भन्सार जाँच छल्ने, नेपालभित्र प्रशोधन गर्ने र खरिदकर्तासम्म पु¥याउने तहगत सञ्जाल रहेको प्रहरी अनुसन्धानले देखाएको छ ।

बूढानीलकण्ठको पछिल्लो घटनामा सुनको ठूलो परिमाणसँगै प्रशोधन गर्ने उपकरण र विदेशी नागरिकको संलग्नता भेटिएको छ । विदेशबाट सुन ल्याउनेदेखि नेपालमा प्रशोधन र बिक्री गर्ने तहसम्मको सञ्जाल रहेको प्रहरीको दाबी छ । तर ती समूहको पहिचान भने अहिलेसम्म प्रहरीले गर्न सकेको छैन ।

सुन र बरामद
आर्थिक वर्ष बरामद सुन
२०७८–७९- २३.८२० किलो
२०७९–८०- १७.७२९ किलो
२०८०–८१- ५३.७१५ किलो
२०८१–८२- ४५.६४० किलो
२०८२–८३- १९.७२९ किलो
जम्मा १६०.६३३ किलो

सम्बन्धित समाचार

चाडपर्व लक्षित विशेष अभियान सञ्चालन गर्दै ट्राफिक प्रहरी देशभर अधिकांश निर्वाचन क्षेत्रमा आज कांग्रेसको क्षेत्रीय अधिवेशन हुँदै पछिल्लो विपदबाट छ जनाको मृत्यु कुलेखानी जलाशयको सतह खतरा लेभलमा, देउराली-सिस्नेरी सडक बन्द सत्ताको ‘तारो’मा अब व्यवस्थापिका पूर्वप्रमुख ! दीपक मनांगे देउवा कांग्रेस प्रवेश, मनाङमा महाधिवेशन गर्ने जिम्मा ‘ज्येष्ठ नागरिक अनुभव बैंक’ बनाउँदै महिला, बालबालिका मन्त्रालय कांग्रेसको अन्तिम केन्द्रीय समिति बैठक सम्पन्न, नेतृत्वदेखि विधान संशोधनसम्मका विषय समेटिए, बन्दसत्रमा पेश हुने