काठमाडौं । सप्तकोशी नदीमा आइतबार दिउँसो मोटरबोट दुर्घटना हुँदा तीन जनाको मृत्यु भएको छ भने कम्तीमा तीन जना बेपत्ता छन् ।

आज आइतबार दिउँसो २ बजे धनकुटा, उदयपुर र भोजपुर जिल्लाको संगमस्थल त्रिवेणीस्थित सप्तकोशी नदीमा मोटरबोट दुर्घटना भएको हो । सो मोटरबोट भोजपुरबाट बराहक्षेत्रतर्फ आउने क्रममा दुर्घटना भएको हो ।

मोटरबोटमा कति यात्रु सवार थिए भन्ने अझै यकिन भएको छैन । ११ जनाले टिकट काटेको भनिए पनि जम्मा १६ जना सवार रहेको बुझिएको छ । जसअनुसार बेपत्ता हुनेको संख्या ५ जना रहेको आशंका छ ।

सो स्थानमा सशस्त्र प्रहरी बल नेपाल नं. १ बाहिनीबाट ५ गोताखोरसहित ९ जना, सुरक्षा बेश रामपुरबाट २ डीएमसहित ६ जना र विपद् व्यवस्थापन बेश चतराबाट ५ डीएमसहित ९ जनाको टोली खटिएको सशस्त्रका सहप्रवक्ता डीएसपी शैलेन्द्र थापाले बताए ।

दुर्घटनाको कारण खुलेको छैन ।

सम्बन्धित समाचार

नवरात्रको चौथो दिनः कुष्माण्डा देवीको पूजा आराधना गरिँदै कांग्रेस खुला केन्द्रीय सदस्यमा चिरीबाबु महर्जनको अग्रता, कुन उम्मेदवारकाे कति मत ? आमा र नवजात शिशुको अधिकार सुनिश्चित गर्न नयाँ निर्देशिका जारी यी हुन् मन्त्रिपरिषद्का १३ निर्णय अब मिठाईमा मिसाइएका पदार्थ र उपभोग्य मिति अनिवार्य कञ्चनपुरको गड्डाचौकी सीमा नाकामा तालिम प्राप्त डगसहित सशस्त्र प्रहरी बलको निगरानी सुनकोशीमा खस्यो टाटासुमो, तीन जनाको मृत्यु हानिनोक्सानी कोषबाट नेपाललाई तीन अर्ब अनुदान