महाभियोगमा ट्रम्पविरुद्ध बयान दिएका दुई अधिकारी बर्खास्त

वासिंगटन । अमेरिकी राष्ट्रपति डोनल्ड ट्रम्पले महाभियोग प्रस्तावमा आफूविरुद्ध बयान दिएका दुई वरिष्ठ अधिकारीलाई बर्खास्त गरेका छन् । युरोपेली संघका लागि अमेरिकी राजदूत गोर्डन सन्डल्यान्डले भने, ‘राष्ट्रपतिले तत्काल लागु हुने गरी मलाई फिर्ता बोलाउन सुझाव दिएको भनिएको छ ।’केही घण्टा अगाडि युक्रेन मामिलाका वरिष्ठ विज्ञ लेफ्टिनेन्ट कर्णेल अलेक्जेन्डर भिन्डम्यानलाई ह्वाइट हाउसबाट निष्कासन गरिएको थियो । बुधवार महाभियोगमा सिनेटबाट सफाइ पाएपछि ट्रम्पले आफूविरुद्ध बयान दिएका कर्मचारीलाई हटाएका हुन् ।
ऐतिहासिक मतदानमा सिनेटले अमेरिकाका ४५ औं राष्ट्रपतिलाई युक्रेन मामिलामा महाभियोग नलगाउने निर्णय लिएको थियो । राष्ट्रिय सुरक्षा परिषद्मा वरिष्ठ वकिल तथा भिन्डम्यानका जुम्ल्याहा भाइ येभजेनी भिन्डम्यानलाई पनि सैन्य विभागमा फिर्ता पठाइएको थियो ।
सन्डल्यान्डका वकिलले जारी गरेको विज्ञप्तिमा सन्डल्यान्डले भनेका छन्, ‘राष्ट्रपतिले मलाई ईयूका लागि अमेरिकी राजदूतबाट तत्काल फिर्ता बोलाएको भनियो । म सेवा गर्ने मौका दिएकोमा राष्ट्रपति ट्रम्प, निरन्तरको समर्थनप्रति मन्त्री माइक पोम्पेओ र ईयू कार्यालयमा काम गर्ने व्यवसायिक तथा समर्पित कर्मचारीप्रति आभारी छु ।’
भिन्डम्यानका परामर्शदाता डेभिड प्रेसम्यानले भने, ‘उनको देश र राष्ट्रपतिको सेवा गरेका भिन्डम्यानलाई ह्वाइट हाउसबाट निकालियो ।’ विज्ञप्तिमा भनिएको छ, ‘कुनै पनि अमेरिकीको मनमा यी सैन्य अधिकारीको जागिर किन सकियो र यो मुलुकमा ह्वाइट हाउसमा सेवा गर्ने सिपाहीको संख्यामा किन एउटा संख्या कम भयो भन्ने’bout प्रश्न छैन ।’
‘भिन्डम्यानलाई सत्य बोलेकामा छोड्न भनिएको हो । सत्यप्रति उनको प्रतिबद्धता र सम्मानले शक्तिशालीहरूलाई त्रस्त बनाइदियो,’ प्रेसम्यानले भने, ‘सत्यतामा अडिग हुँदा उनको जागिर र गोप्यता समाप्त भयो ।’
विज्ञप्तिमा भनिएको छ, ‘संसारको सबभन्दा शक्तिशाली मान्छेले बदला लिने निर्णय ग¥यो ।’ भन्डम्यान सधैंजसो काम गर्न शुक्रवार पनि ह्वाइट हाउस पुगेका थिए । नर्थ क्यारोलाइनास्थित कार्यकारी भवन छोड्नुअघि राष्ट्रपति ट्रम्पले भने, ‘म उनी (भिन्डम्यान) सँग खुशी छैन । म उनीसँग खुशी हुनुपर्छ र ? म खुशी छैन ।’ त्यसपछि ट्रम्पले अरू प्रतिक्रिया व्यक्त गरेका छैनन् । ट्रम्पविरुद्ध अभिव्यक्ति दिएका अरू पनि निष्कासनमा पर्ने अनुमान गरिएको छ ।

तपाइको प्रतिक्रिया
(Visited 126 times, 1 visits today)

Ads Space Available

epaper

भर्खरै

थापाथलीका सुकुम्वासीमाथि बल प्रयोग अनुचित : अध्यक्ष ओली

कुरी-कुरी

राजधानी राष्ट्रिय दैनिक:कुरी-कुरी – कार्तिक ३०, २०७९
राजधानी राष्ट्रिय दैनिक:कुरी-कुरी – कार्तिक ३०, २०७९