खेतबारीमा व्यस्त अभिनेता आर्यन

काठमाडौं । मुलुकमा जारी लकडाउनका कारण सबै जना अहिले घरमै छन् । जसका कारण नेपाली चलचित्रका कलाकारहरू पनि घरमै छन् । घरमा रहेको बेला उनीहरूले विभिन्न काम गरिरहेका छन् ।

अभिनेताहरूले अहिले घरमा बसेर नयाँनयाँ परिकार पकाउन सिकिरहेका बेला अभिनेता आर्यन सिग्देल बारीको काममा व्यस्त छन् । यतिबेला बर्खे तरकारी लगाउने बेला सुरु भएकाले बारी खनजोत र तरकारी रोप्ने काममा उनी व्यस्त भएका हुन् ।

अभिनेता आर्यन सिग्देल यतिबेला थानकोटस्थित आफ्नो घरमा छन् । घर बस्ने क्रममा मोटाउने अवस्था आएपछि शरीर पनि स्वस्थ रहने, व्यायम पनि हुने र बुबाआमालाई काममा सहयोग पनि पुग्ने भएकाले आफू खेतबारीको काममा उत्रिएको उनले बताएका छन् ।

चलचित्रको कामले लामो सयमदेखि परिवारलाई समय दिन नसकेका अभिनेता आर्यन अहिले फुर्सदमा छन् । सोही कारण उनले परिवारलाई समय दिन पाएका हुन् । लामो समयदेखि काठमाडौंको लाजिम्पाटमा बस्दै आएका उनी श्रीमती र काखे छोरासहित लकडाउनपछि थानकोट फर्किएका हुन् । उनी अब स्थिति सामान्य भएपछि मात्र काठमाडौं फर्किने सोचमा छन् ।

अभिनेताको गत वर्ष दुई चलचित्र ‘हजार जुनीसम्म’ र ‘चच हुई’ रिलिज भए । यी दुवै चलचित्रले बक्स अफिसमा जादु देखाउन सकेन । यसअघि आफ्नै गृह व्यानरमा चलचित्र जायरा निर्माण गरेका आर्यन अर्को नयाँ फिल्म निर्माणको तयारीमा थिए । तर, अहिलेको अवस्थामा उनी तत्काल नयाँ फिल्म निर्माणको पक्षमा छैनन् ।

तपाइको प्रतिक्रिया
(Visited 179 times, 1 visits today)

Ads Space Available

epaper

भर्खरै

सबै प्रकारका भुक्तानी बैंक खातामा विद्युतीय प्रणालीमार्फत गर्नुपर्ने

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
मकवानपुरको ३ पालिका र ४८ वडाको नतिजा सार्वजनिक (सूचीसहित)