कोशी प्रदेशका १४ वटै जिल्ला प्रहरी प्रमुखहरुसँग वार्षिक कार्यसम्पादन सम्झौता

मोरङ। कोशी प्रदेश कार्यालय विराटनगरको सभाहलमा भदौ १५ गते एक कार्यक्रमको आयोजना गरी आर्थिक बर्ष २०८२/०८३ को वार्षिक कार्य सम्पादन सम्झौतामा हस्ताक्षर कार्यक्रम सम्पन्न भएको छ ।

आइजीपी दिपक थापा र कोशी प्रदेश प्रहरी प्रमुख प्रहरी नायव महानिरीक्षक ईश्‍वर कार्की बीच भएको आर्थिक बर्ष २०८२/०८३ को वार्षिक कार्य सम्पादन सम्झौताको बुँदामा आधारित रही आ.व. २०८२/०८३ को लागी प्रदेश प्रहरी प्रमुख कार्की तथा कोशी प्रदेशका १४ वटै जिल्ला प्रहरी प्रमुखहरूका साथै प्रदेश प्रहरी तालिम केन्द्र, प्रदेश सशस्त्र प्रहरी गण रानी, नेपाल प्रहरी प्रदेश अस्पताल इनरुवा सुनसरी, विपद व्यवस्थापन गुल्म चन्द्रगढी र नेपाल पुलिस स्कुल धरानका प्रहरी प्रमुखहरू बिच कार्यसम्पादन सम्झौता पत्रमा हस्ताक्षर भएको हो ।

वार्षिक कार्यसम्पादन सम्झौता हस्ताक्षर कार्यक्रममा प्रहरी कार्यालयका प्रमुखहरूले वार्षिक लक्ष्य, कार्ययोजना र उपलब्धि मूलक प्रहरी सेवा प्रदान गर्ने साथै सेवा प्रवाहलाई थप प्रभावकारी, पारदर्शी र परिणाममुखी बनाउन सम्झौता पत्रमा हस्ताक्षर गर्नुका साथै समयमै लक्ष्य पुरा गर्ने प्रतिवद्धता समेत जनाएका थिए ।

हस्ताक्षर कार्यक्रममा प्रदेश प्रहरी तालिम केन्द्र, कोशी प्रदेश सशस्त्र प्रहरी गण, जिल्ला प्रहरी कार्यालय झापा, मोरङ, सुनसरी, इलाम, धनकुटा र उदयपुरका प्रहरी प्रमुखहरू प्रत्यक्षरूपमा सहभागी भएका थिए भने अन्य जिल्ला प्रहरी कार्यालयका प्रमुखहरू भर्चुअल माध्यमद्वारा सहभागी भएका थिए।

वार्षिक कार्यसम्पादन सम्झौता हस्ताक्षर कार्यक्रममा प्रदेश प्रहरी प्रमुख कार्कीले प्रत्यक्ष तथा भर्चुअल माध्यमद्वारा उपस्थित कार्यालय प्रमुखहरूलाई निर्देशनको क्रममा प्रहरीको सेवालाई चुस्त दुरुस्त बनाउन, योजना र कार्यक्रम समयमै कार्यान्वयन गर्न तथा आम नागरिकले प्रत्यक्ष अनुभव गर्ने गरी प्रहरी सेवा प्रदान गर्न यो कार्यसम्पादन सम्झौताले महत्वपूर्ण भूमिका निर्वाह गर्ने विश्वास व्यक्त गरे ।

कार्य सम्पादन सम्झौताको सफल कार्यान्वयनका लागि प्रहरी कार्यालयहरूले सक्रियताका साथ कार्यसम्पादन सम्झौतामा उल्लेख भएका वुँदाहरुमा आधारितरही प्रहरी कार्य सम्पादन गर्न निर्देशन समेत दिएका थिए । सम्झौता बमोजिम कार्यालय प्रमुखहरूले गरेका कार्यहरूको प्रगति विवरण त्रैमासिक, अर्धवार्षिक र वार्षिक रुपमा कोशी प्रदेश प्रहरी कार्यालयमा पठाउनु पर्नेछ ।

तपाइको प्रतिक्रिया
(Visited 21 times, 1 visits today)

सम्बन्धित समाचार

चन्द्रकुवेर खापुङ प्रहरी महानिरीक्षकमा नियुक्त कैलालीमा ५ किलो ६९० ग्राम चरेश र ४ ग्राम ९० मिलिग्राम खैरोइनसहित ५ जना पक्राउ सशस्त्रका एसपीसहितका १६ अधिकृतको कार्यसम्पादनमा प्रश्न कार्यकक्षमै बालिका करणी गरेको आरोपमा प्रिन्सिपल पक्राउ गोंगबुबाट ‘मिटरब्याजी’ वृद्ध पक्राउ, झन्डै ४ करोड रुपैयाँ र सुनका गहना बरामद

epaper

प्रमुख

ताजा समाचार

२६ भाद्र २०८२
बझाङ । बझाङ जिल्लामा बुधबार विहानदेखि बजारमा सुरक्षाकर्मी तैनाथ गरिएको छ । जिल्लाभरिका सम्पूर्ण सरकारी कार्यालय तथा सार्वजनिक भौतिक संरचनाहरूमा सुरक्षा ब्यावस्था कडाई गरिनुका साथै निगरानी समेत बढाएको प्रमुख जिल्ला ...
काठमाडौँ । देशभर नेपाली सेना र अन्य सुरक्षा निकाय परिचालनसँगै मङ्गलवार बिहानदेखि दिउँसोसम्म विभिन्न स्थानमा ठूलो मात्रामा कारबाही गरिएको छ। महाराजगञ्जस्थित भाटभटेनी सुपर मार्केटमा लुटपाटमा संलग्न ४ जनालाई मङ्गलवार बिहान ...
काठमाडौँ । देशभर असामान्य परिस्थितिबीच नेपाली सेनासहितका सुरक्षा निकाय परिचालन भएपछि लुटपाट, आगजनी र अराजक गतिविधिमा संलग्न २७ जनालाई पक्राउ गरिएको छ। भदौ २४ गते राति १० बजेबाट परिचालन भएको ...
काठमाडौं । नेपाली सेनाले देशभर कर्फ्यु आदेश जारी गरेको छ । आन्दोलनको नाममा अझै पनि विभिन्न अराजक व्यक्ति र समूहहरुले घुसपैठ गरी व्यक्तिगत र सार्वजनिक सम्पत्ति तोडफोड तथा आगजनी, लुटपाट ...
काठमाडौं । काठमाडौँ उपत्यकाको जनजीवन क्रमशः सामान्य बन्दै गएको छ । नेपाली सेनासहितका सुरक्षा फौज देशमा शान्तिसुरक्षा कायम गर्न परिचालन भएपछि यहाँको जनजीवन क्रमशः सामान्य बन्दै गएको हो । साथै ...