कपिलवस्तु । आगामी निर्वाचनलाई लक्षित गर्दै जिल्ला निर्वाचन कार्यालय कपिलवस्तुले कपिलवस्तुमा मतदाता नामावली सङ्कलन अभियानलाई तीव्रता दिएको छ । असोज ९ गतेदेखि सुरु भएको अभियानमा दैनिक १०० देखि १५० जना नागरिकले नयाँ नामावलीमा दर्ता गराइरहेका छन् ।

निर्वाचन कार्यालयका सूचना अधिकारी निश्चल मोक्तानका अनुसार, अघिल्ला चरणमा दर्ता हुन छुटेका नागरिकका लागि यो अवसर अत्यन्त महत्वपूर्ण रहेको छ । योग्य उमेर पुगेका नागरिकले आफ्नो नागरिकता, बसाइँसराइ प्रमाणपत्र र आवश्यक कागजातसहित कार्यालयमा उपस्थित भई नामावली दर्ता वा अद्यावधिक गराउन सक्ने व्यवस्था गरिएको छ ।

मोक्तानले मतदान अधिकारलाई लोकतान्त्रिक अभ्यासको आधारभूत हक भएको बताउँदै, सबै योग्य नागरिकलाई नामावलीमा अनिवार्य रूपमा दर्ता हुन आग्रह गरेका छन् । विशेष रूपमा १६ वर्ष पूरा गरी १७ वर्षमा पुगेका नयाँ मतदाताहरूलाई यसपटक प्राथमिकता दिइएको उनले बताए ।

आगामी निर्वाचन निष्पक्ष, व्यवस्थित र समावेशी बनाउन प्रत्येक नागरिकको सक्रिय सहभागिता अपरिहार्य हुने उल्लेख गर्दै, निर्वाचन कार्यालयले समयमै दर्ता प्रक्रिया पूरा गरी लोकतान्त्रिक अधिकारको प्रयोग गर्न सबैलाई आह्वान गरेको छ ।

सम्बन्धित समाचार

कर्मचारीको कटौती गरिएकोमा आजपा प्रबक्ता साहको आपत्ति महिला नेतृत्वको एक सहकारीमार्फत ३५० खसीबोका बिक्री वार्ता सकारात्मक, विपिन जोशी रिहा हुने आशा प्रहरी चौकीमा आक्रमण गरेको आरोपमा वडाध्यक्ष पक्राउ आन्तरिक तयारीमा दलहरू, नेतृत्व हस्तान्तरणदेखि पार्टी एकताको तयारी नियमित महाधिवेशनकै बाटोमा फर्कियो कांग्रेस