काठमाडौँ। नेपाली काँग्रेसको विद्यार्थी संगठन नेविसंघले काठमाडौँ महानगरपालिकाका मेयर बालेन्द्र साह (बालेन) र हामी नेपाल संस्थाका संयोजक सुदन गुरुङविरुद्ध प्रहरीमा उजुरी दिएको छ ।

गत भदौ २३ र २४ भएको जेनजी युवा आन्दोलनमा भएको अप्रिय घटनामा उनीहरूमाथि अनुसन्धानको माग गर्दै नेविसंघले जिल्ला प्रहरी परिसर काठमाडौँ र ललितपुरमा उजुरी दिएको हो ।

विद्यार्थीहरूलाई आन्दोलनमा आउन उक्साएको, आगजनी र तोडफोड गरेर राष्ट्रिय सम्पदामा क्षति पुर्‍याएको, सरकारी तथा निजी सम्पत्ति लुटपाट गराएको घटनामा उनीहरूमाथि अनुसन्धान हुनुपर्ने नेविसंघको माग छ ।

उजुरीकर्तामा नेविसंघ केन्द्रीय सदस्यहरू मनीषजंग थापा, अशोकसिंह विष्ट, विजय शाह छन् । उनीहरूले २४ घण्टाभित्र बालेन र सुदनलाई पक्राउ गरी अनुसन्धानको माग राखेका छन् ।

यसअघि सुदन गुरुङसहितका युवाहरूले आन्दोलनमा दमन गरेको भन्दै तत्कालीन प्रधानमन्त्री केपी शर्मा ओली, गृहमन्त्री रमेश लेखक लगायत विरुद्ध पनि जाहेरी दिएका थिए । त्यसलगै नेकपा एमाले निकट अनेरास्ववियुले पनि उनीहरूविरुद्ध उजुरी दिएको थियो ।

सम्बन्धित समाचार

वार्ता सकारात्मक, विपिन जोशी रिहा हुने आशा कर्मचारीको कटौती गरिएकोमा आजपा प्रबक्ता साहको आपत्ति नारायणगढ–मुग्लिन–नागढुंगा सडकखण्ड अवरुद्ध सुनको मूल्य निरन्तर अकासिँदो प्रहरी चौकीमा आक्रमण गरेको आरोपमा वडाध्यक्ष पक्राउ आन्तरिक तयारीमा दलहरू, नेतृत्व हस्तान्तरणदेखि पार्टी एकताको तयारी नियमित महाधिवेशनकै बाटोमा फर्कियो कांग्रेस कपिलवस्तुमा मतदाता नामावली दर्ता अभियान तिव्र, नयाँ मतदातामा उत्साह