लमजुङ । लमजुङमा एक व्यक्तिले गरेको बञ्चरो प्रहारबाट निजकी श्रीमतीसहित तीन जनाको हत्या प्रयास भएको प्रहरीले जनाएको छ । घाइते तीनै जनाको अवस्था चिन्ताजनक रहेको घट्रना बुधबार भएको हो ।

लमजुङको दोर्दी गाउँपालिका– ४ को साधिखोलामा त्यस्तो अपत्यारिलो घट्ना भएको हो । त्यहाँका ४९ वर्षीय पुरुष बगन गुरुङले ४५ वर्षीया आफ्रनी श्रीमती चिजामाया गुरुङ, १० वर्षीय भतिजा अमन गुरुङ र ७१ वर्षीय काका गर्भलाल गुरुङ उपर पालो पालो बञ्चरो प्रहार गरी हत्या प्रयास गरेको रहस्य खुलेको प्रहरी भनाइ छ । त्यो घट्ना बुधबार भएको सो गाउँपालिकाका अध्यक्ष युवराज अधिकारीले बताए ।

साविकको घर दोर्दी गाउँपालिका– ५ को छैलुङ गाउँमा स्थायी बसोबास रहेका गुरुङ दम्पतीको परिवार १६ वर्ष अघि साधिखोलामा घर बनाई बसाई सरेर बसोबास गर्दै आएका रहेछन् । चिजामायाको माइती दोर्दी गाउँपालिका– ५ को वाक्सर गाउँ रहेको सो गाउँपालिकाका – ५ की सामाजिक कार्यकर्ता तैमाया गुरुङले जानकारी दिइन । उनका अनुसार चिजामाया मेरो साथी हो । उनले भनिन

‘सधैं जस्तो घरझगडाको अचानक ४९ वर्षीय बगन गुरुङले बञ्चरोले प्रहार गर्दा श्रीमती चिजामायाको देब्रे हात नाडीमा छिनालिएको छ ।’ बञ्चरोको चोटले दायाँ हातको हत्केलामा बञ्चरोको चोटले चिरिएको छ भने बुढी औंला काटिएको चिजाकी नन्द मपु गुरुङले बताइन् । उनका अनुसार चिजाको पेटमा प्रहार गरेको बञ्चरोको चोटले आन्द्रा भुडी समेत बाहिर निस्केको थियो । उनले भनिन्, ‘चिजाको प्रदेश अस्पताल बेसीशहरमा आइसियुमा उपचार भइरहेको छ, तर अवस्था चिन्ताजनक छ ।’ चिजा २, ३ घण्टामा होसमा आउने गरेको उनको भनाइ छ ।

अर्का घाईते बालक १० वर्षीय अमन गुरुङ ठूली आमाको घरमा गएका रहेछन । मस्र्याङदी गाउँपालिका– ८ को बडागाउँका घर भएका अमन गुरुङको चिजा ठूली आमा हुन् मपु गुरुङले जानकारी दिइन् । उनका अनुसार अमनको सिएमसी अस्पताल चितवनमा आइसियुमा उपचार भइरहेको छ । उनको घित्रोमा बञ्चरो प्रहार गरिएको रहेछ, यसको अवस्था पनि चिन्ताजन छ भन्ने खबर आएको जिल्ला प्रहरी कार्यालयका प्रवक्ता एवम् प्रहरी निरीक्षक अभिशेक पाण्डेले बताए ।

उनका अनुसार बञ्चरोले खप्परमा प्रहार गरिएका ७१ वर्षीय गर्भलाल गुरुङको अवस्था चिन्ताजनक छ । चितवनका लागि रिफर गरिएका उहाँको त्यहाँ पनि उपचार हुन नसक्ने भनि फिर्ता गरिएपछि भरखरै प्रदेश अस्पताल बेसीशहरमा ल्याएर आइसियुमा उपचार थालिएको उनले बताए । उनले भने ‘तीनै जनाको अवस्था उस्तै उस्तै चिन्ताजनक नै छ ।’

सो घट्ना थाहा पाउनासाथ अस्पतालमा तिनै विरामीको रेखदेख गर्ने, उनीहरूको आफन्तसँग सम्पर्क गर्ने गर्दैमा दिन बित्यो तैमाया गुरुङले बताइन् । उनका अनुसार चितवन पठाइएका बिरामीको उपचार खर्च छैन भन्ने खबर आयो, त्यसपछि त्यही ’round गरेर ५० हजार जति चन्दा संकलन गरेकोमा ३० हजार चितवन पठाएर अरु यही राखेको छ ।

श्रीमती, काका र भतिजालाई बञ्चरो प्रहार गर्ने बगन गुरुङलाई प्रहरीले नियन्त्रणमा लिएको जनाइको छ । बगनले करिब १५ वर्ष अघि पनि श्रीमतीलाई ह्याम्बरले कुट्दा १०– १२ वटा टाँका लगाउनु पर्ने स्थिति बनेको र अहिलेकै प्रदेश अस्वताल तत्कालीन जिल्ला अस्पतालमा उपचार गरिएको समेत खुल्न आएको छ ।

सम्बन्धित समाचार

सूर्यदर्शनमा जाहेरी दिने जैसी अर्को सहकारी ठगी आरोपमा पक्राउ वरिष्ठ डिभिजन वन अधिकृत भट्ट पक्राउ यस्तो छ– सप्तरी प्रहरीको मासिक प्रगति विवरण स्याङ्जामा बैकिङ् साक्षरता अभियान केन्द्रीय कारागारबाट भागेका एकहजार बढी कैदीबन्दी अझै फरार आफ्नै पत्नीको खुट्टा काटेर पति फरार विमानस्थलबाट तीन किलो ४३५ ग्राम गाँजासहित थाई नागरिक पक्राउ इनिशा मृत्यु प्रकरणः सामूहिक बलात्कार नभएको प्रहरी निष्कर्ष, प्रेमीलाई आजीवन कैदको माग