राजविराज । विगत एकसाता देखि वेपत्ता रहेकी एक महिलाको शव कुहिएको अवस्थामा फेला परेको छ । सप्तरीको तिलाठी कोईलाडी गाउँपालिका ५ बनरझुल्ला टोलकी ३२ बर्षीया अनिता देवी रायको शब बुधबार सोही वडाको नौ किलोमिटर भन्ने स्थानमा रहेको कोशी नदीको स्परमा फेला परेको हो ।

अर्धनग्न अवस्थामा फेला परेको उनको हत्या गरी कोशी नदी स्परमा फालिएको प्रहरीको भनाई छ । जिल्ला प्रहरी कार्यालय सप्तरीका प्रवक्ता डम्बर बहादुर पुरीका अनिताको हात र खुट्टा बाँधिएको तथा ढुङ्गा प्रहार गरी हत्या गरेको देखिएको छ ।

मृतकले लगाएको साडीले हात खुट्टा बाँधिएको, निजका पतिले प्रयोग गर्ने भेष्टमा गह्रौं ढुङ्गा हालेर घाँटीमा बाँधिएको अवस्थामा शव फेला परेकाले हत्या गरी शव लुकाउने प्रयास भएको उनको भनाई छ ।

वडाध्यक्ष ललन राउतका अनुसार गत बुधबार छिमेकीका छोराको बिहेमा परिवारका अन्य सदस्य गएका बेला चार–पाँचजनाको अपरिचित समुहले अनिताको अपहरण गरेको खुलेको छ । सो क्रममा प्रतिवाद गर्दा अनिता घाईते समेत भएकी थिईन् । आँगनमा रगतको टाटा देखिएकाले अपहरणकारी संग जोगिन अनिताले निकै प्रयास गरेपनि आफुलाई बचाउन नसकेको देखिएको वडाध्यक्ष राउतको भनाई छ ।

अनिताका श्रीमान् छोटु भन्ने बिरेन्द्र राय विगत दुई बर्षदेखि रोजगारीका सिलसिलामा विदेशमा छन् । घट्नाको खबर पाए लगत्तै प्रहरी नायब उपरीक्षक डम्बर बहादुर पुरी नेतृत्वको टोली घट्नास्थलमा पुगी अनुसन्धान थालेका छन् ।

हिजो बुधबार नै शव निकालेर परिक्षणका लागि गजेन्द्रनाराण सिंह अस्पताल पुर्याई थप अनुसन्धान भईरहेको जिल्ला प्रहरी कार्यालय सप्तरीले जनाएको छ ।

सम्बन्धित समाचार

सिरहा बम विस्फोट घटनाका अभियुक्त यादव पुर्पक्षका लागि कारागार चलान स्रोत नखुलेको रु २७ लाखसहित दुई पक्राउ सशस्त्र प्रहरी बल नेपाललाई प्रविधिमैत्री बनाउन आईटी स्टेरिङ कमिटी गठन कीर्तिपुर हत्या प्रकरण : ३ जना पक्राउ लालपूर्जा तथा खोसिएको अधिकार माग्दै नगरवासी उत्रे सडकमा धनुषामा बस दुर्घटना हुँदा चालकसहित १७ जना घाइते किर्ते कागजात तयारी पारि वन कर्मचारीकै मिलेमतोमा खयर तस्करी कोशीमा गाँजा ओसारपसारको नयाँ शैली : एम्बुलेन्स नै बन्यो लागूऔषध बोक्ने साधन