कैलाली । गौरीगङ्गा नगरपालिका–१ की ३५ वर्षीया पूजा रावलले बङ्गुरका पाठापाठी बिक्रीबाट मासिक रु ७० हजार आम्दानी गर्दै आएकी छन् ।

सात वर्षअघि दुईवटा बङ्गुरबाट सुरु गरेको व्यवसायलाई उनले अहिले सानाठूला गरी ११० वटा बङ्गुरसम्म विस्तार गर्न सफल भएकी छन् । रावलले बङ्गुरका पाठापाठीलाई ४५ दिनसम्म हुर्काएर प्रतिपाठा रु सात हजारसम्ममा बिक्री गर्छन ।

बङ्गुरका पाठापाठी बिक्रीबाट मात्रै मासिक रु एक लाख ५० हजारसम्मको कारोबार हुने गरेको उनले बताइन् । उनले सबै खर्च कटाएर मासिक रु ७० हजार बचत गर्ने गरेको सुनाइन् । बङ्गुर खोरको दैनिक हेरचाह उनका बुबा र आमाले गर्दै आएकी छन् भने बजार व्यवस्थापन र बिक्री वितरणको जिम्मेवारी आफैँले सम्हाल्दै आएकी छन् ।

बङ्गुरका पाठापाठी कैलाली–कञ्चनपुरलगायत पहाडी जिल्लामा समेत बिक्री हुने गरेका छन् । बङ्गुरपालनसँगै उहाँले ब्रोइलर कुखुरापालन व्यवसाय पनि सञ्चालन गर्दै आएको बताइन् । गाउँघरमै अवसर खोजेर मिहिनेत गर्नसके राम्रो आम्दानी गर्न सकिने अनुभव सुनाउँदै रावलले युवाहरूलाई पनि स्वदेशमै उद्यमशील बन्न आग्रह गरिन् ।

सम्बन्धित समाचार

चेस विशेष साधारणसभाले अविश्वासको प्रस्ताव अस्वीकृत नागरिकको दैनिक जीवनस्तर उकास्न सरकार प्रतिबद्ध छः प्रधानमन्त्री पलेँटीमा गुञ्जिँदै सुप्रसिद्ध गीतकार थापाका गीत अर्थतन्त्रमा सकारात्मक सङ्केत, संरचनागत चुनौती कायमै राष्ट्रियसभाबाट दुई विधेयक स्वीकृत नेपाल–स्विट्जरल्याण्ड द्विपक्षीय परामर्श संयन्त्रको पाँचौँ बैठक सम्पन्न यूएफसी छनोटमा फिलिपिन्सका प्रतिस्पर्धीलाई रवीन्द्र ढाँटले हराए नेपाल एसियाली खेलकुद महिला क्रिकेट छनोटको सेमिफाइनलमा प्रवेश