रौतहट । रौतहटको लालबकैया नदीमा हिजो मंगलबार दिउँसो नुहाउने क्रममा डुबेर बेपत्ता भएका तीन बालबालिकामध्ये दुई जनाको शव आज बुधबार बिहान फेला परेको छ ।

जिल्ला प्रहरी कार्यालय रौतहटका अनुसार आज बिहान देवाही गुनाही–२ लक्ष्मीनियाका १० वर्षीय रमलुल्लाह र सवनम खातुनको शव फेला परेको हो । घटनास्थलबाट करिब साढे २ किलोमिटर दक्षिणतर्फ परोहा नगरपालिका–२ जिंगडवा क्षेत्रमा लालबकैया नदीमा तैरिरहेको अवस्थामा दुई जनाको शव फेला परेको जिल्ला प्रहरी कार्यालय रौतहटका प्रहरी नायब उपरीक्षक (डीएसपी) वसन्त गौतमले बताए । अर्का एकजनाको खोजी कार्य भइरहेको डिएसपी गौतमले बताए ।

फेला परेको दुवै बालबालिकाको शव पोस्टमार्टमका लागि प्रादेशिक अस्पताल ल्याइरहेको तथा बेपत्ता भएकी बालिकाको खाजी कार्य जारी रहेकोसमेत उनले जानकारी दिए ।

देवाही गोनाही नगरपालिका–२ लक्ष्मीनियास्थित लालबकैया नदीमा हिजो दिउँसो नुहाउने क्रममा तीन जना बालबालिका बेपत्ता भएका थिए ।

सम्बन्धित समाचार

सरकारले कप्तानगन्ज घटनापीडितलाई राहत प्रदान गर्ने न्यायको पर्खाइमा महिला अधिकारकर्मी धिमाल समुदायको मातृभाषा संरक्षणमा जोड जिल्ला प्रशासन कार्यालय मोरङअगाडि प्रदर्शन सप्तरीमा सर्वदलीय बैठक : सामाजिक सद्भाव कायम राख्न आग्रह अर्को सूचना जारी नभएसम्म जयनगर–जनकपुर–भङ्गाहा रेल सेवा स्थगन सहकार्यमा जुटे ७ दल, ‘अग्रगामी मोर्चा’को गृहकार्य