कैलाली । लम्कीचुहा नगरपालिका–४ बस्ने ३३ वर्षीय दिपक सुनारको हत्यामा संलग्न भएको अभियोगमा प्रहरीले ५ जनालाई पक्राउ गरेको छ । दिपककी श्रीमती यमुना सुनारले प्रेमीसँग मिलेर अमरावती जंगलमा दिपकको हत्या गरी कर्णाली नदीमा फालेको अनुसन्धानमा संलग्न प्रहरीको भनाइ छ ।

पक्राउ पर्नेहरूमा लम्कीचुहा नगरपालिका–४ बस्ने ३२ वर्षीया यमुना सुनार, सोही नगरपालिका–१० बस्ने ४१ वर्षीय दुर्योधन सुवर्णकार, टीकापुर नगरपालिका–३ बस्ने ३२ रामराजेश महतो, कञ्चनपुर बेलौरी नगरपालिका–९ बस्ने ५६ वर्षीय बिरेन्द्र राना र सोही नगरपालिका–८ बस्ने ३२ वर्षीय भीमा राना रहेका छन् ।

प्रहरीले उनीहरूलाई कैलाली र कञ्चनपुरका विभिन्न स्थानबाट पक्राउ गरेको हो । प्रारम्भिक अनुसन्धानको क्रममा उनीहरू उपर जिल्ला अदालत कैलालीबाट म्याद थप अनुमति लिई आवश्यक अनुसन्धान भइरहेको प्रहरीले जनाएको छ ।

सम्बन्धित समाचार

बाजुरामा पहिरोले घर पुरिँदा एक जना बेपत्ता, दुई घाइते सुदूरका मुख्यमन्त्री भट्टले लिए शपथ उत्पादनमुखी वृक्षरोपणले बदलिँदै कैलालीका सामुदायिक वन सुदूरपश्चिम प्रदेशसभा : एकै वर्षमा राज्यकोषबाट १४ करोड खर्च, कानुन बनाउन भने सुस्त बडीमालिका पूजा आजदेखि प्रारम्भ अटोबाट खसेको ५० हजार रुपैयाँ पूर्वहवल्दारले फिर्ता गरे बाजुराको सरकारी टोली बडीमालिका प्रस्थान भोटेकोशी बाढीपीडितको उद्धार तथा राहतमा सहयोग गर्ने सुदूरपश्चिम सरकारको निर्णय