झापा । नेकपा (एमाले) बाह्रदशी गाउँ कमिटीले पार्टीको आन्तरिक आय वृद्धि गर्दै कार्यकर्तालाई उत्पादनसँग जोड्न चार बिघा क्षेत्रफलमा अर्गानिक सागसब्जीखेती सञ्चालन गर्ने भएको छ ।

हालै सम्पन्न गाउँ कमिटीको बैठकले बाह्रदशी गाउँपालिका–४ र ५ मा अर्गानिक सागसब्जीखेती गर्ने निर्णय गरेको हो । खेतीमार्फत कार्यकर्तालाई उत्पादनमा सहभागी गराउँदै आत्मनिर्भरता र आयआर्जन बढाउने लक्ष्य लिइएको पार्टी गाउँ कमिटी अध्यक्ष अनिल सापकोटाले बताए ।

उनले भने, ‘पार्टीलाई उत्पादनसँग जोड्ने उद्देश्यले अर्गानिक साजसब्जीखेती सुरु गर्न लागेका हौँ । यसले कार्यकर्तालाई उत्पादनमा जोड्नुका साथै पार्टीको आन्तरिक आय वृद्धि गर्न पनि सहयोग पुग्ने विश्वास छ ।’

पार्टीले सागसब्जीखेतीलाई दीर्घकालीन रूपमा विस्तार गर्दै कार्यकर्तालाई कृषि उत्पादन र उद्यमशीलतासँग जोड्ने लक्ष्य लिएको जनाएको छ । यसबाट स्थानीयस्तरमै रोजगारी तथा आयआर्जनका अवसर सिर्जना हुनुका साथै उत्पादनमुखी राजनीतिक संस्कृतिको विकासमा समेत सहयोग पुग्ने अध्यक्ष सापकोटाले बताए ।

सम्बन्धित समाचार

दूधको भुक्तानी अवधि घटाइउने कृषि मन्त्रीको प्रतिबद्धता सरोकारवालाले ‘पर्यटन विधेयक २०८१’ ल्याउनुपर्नेमा जोड इतिहासलाई पर्यटनसँग जोड्दै मकवानपुरगढी दरबार पर्यटन विधेयकमा आरोहीको बीमादेखि ‘फेक रेस्क्यु’ नियन्त्रणसम्मका सुझाव आहा, यस्तो पो झरना ! भाल्चेको भेडा फार्मः नश्ल सुधारदेखि पर्यटन प्रवर्द्धनसम्म कोरियाबाट फर्केका नेम्बाङ कृषि व्यवसायमा तातोपानीमा सात हजार रोपनीमा सामूहिक स्याउखेती