काठमाडौँ । सर्वोच्च अदालतले प्रहरी महानिरीक्षक बढुवासम्बन्धी विवादमा दानबहादुर कार्कीले दायर गरेको रिटमा डा. मनोजकुमार केसीको पद उल्लेख गरिएको शब्दावली संशोधन गरेको छ । कार्कीले टाइप गर्दा त्रुटि भएको भन्दै सच्याउन निवेदन दिएपछि अदालतले शुक्रबार संशोधनको आदेश दिएको हो ।
न्यायाधीश अब्दुल अजीज मुसलमान र गोकर्ण डाँगीको संयुक्त इजलासले रिटको पहिलो पानाको दोस्रो हरफमा रहेको ‘बढुवा गरिएका भनिएका प्रहरी अतिरिक्त महानिरीक्षक’ भन्ने शब्दावलीको सट्टा ‘बढुवा गरिएका प्रहरी महानिरीक्षक’ कायम गरेको हो ।
इजलासले सर्वोच्च अदालत नियमावली, २०७४ को नियम १९ बमोजिम निवेदन संशोधन गरेको हो । संशोधन आदेशलाई रिट निवेदनको अभिन्न अङ्ग मानी मिसिलमा राख्न पनि इजलासले भनेको छ ।
त्यसअघि मंसिर २ गतेको कारण देखाऊ आदेशअनुसार सर्वोच्च अदालतले मंसिर ३ गते प्रहरी प्रधान कार्यालय, नक्सालका नाममा सूचना म्याद जारी गरेको थियो । शाखा अधिकृत रेवतीप्रसाद पराजुलीले हस्ताक्षर गरेको सूचनामा केसीको पद उल्लेख गर्दा रिटमा रहेको संशोधनअघिकै शब्दावली प्रयोग भएको थियो ।
सूचनामा बाटोको म्यादबाहेक सूचना प्राप्त भएको मितिले १५ दिनभित्र महान्यायाधिवक्ताको कार्यालयमार्फत प्रमाण कागजातसहित लिखित जवाफ पेस गर्न भनिएको छ । अन्तरिम आदेश जारी गर्ने विषयमा छलफलका लागि मंसिर ७ गते तोकिएको पेसीमा उपस्थित हुन पनि सूचनामा भनिएको छ ।
सम्बन्धित समाचार
सहिदकी छोरीको जन्मदिनमा घरमै पुग्यो गोल्याण फाउण्डेशन
प्रेस स्वतन्त्रताको पक्षमा महासंघको आन्दोलन घोषणा
नेपालमै पहिलो व्यावसायिक वास्तु सफ्टवेयर सार्वजनिक गर्ने तयारी
टोखामा आफैँलाई गोली प्रहार गरेका प्रहरी हवल्दारको मृत्यु
आइतबारदेखि पश्चिमी वायुको प्रभाव बढ्ने, तीन प्रदेशमा वर्षा र हिमपातको सम्भावना
मलद्वारमा लुकाएर ल्याएकाे झन्डै दुई किलो सुनसहित चिनियाँ नागरिक पक्राउ
सहायक रथी श्रेष्ठलाई नेपाली सेनाको प्रवक्ताको जिम्मेवारी
पशुपति गौशालामा मारवाडी सेवा समितिको एकाधिकार अन्त्य






