टोकियो । जापानले मंगल ग्रहको चन्द्रमा फोबोसबाट नमूना संकलन गरी पृथ्वीमा ल्याउने लक्ष्यसहित ऐतिहासिक अन्तरिक्ष अभियान सुरु गरेको छ । यसबाट सौर्यमण्डलको उत्पत्ति र पृथ्वीमा जीवनको सुरुआत’bout नयाँ तथ्य पत्ता लाग्ने वैज्ञानिकहरूको अपेक्षा छ ।

जापान एयरोस्पेस एक्सप्लोरेसन एजेन्सी (जाक्सा) का अनुसार मानवरहित मार्सियन मुन एक्सप्लोरेसन (एमएमएक्स) यान बोकेको एच–३ रकेट जापानको तानेगासिमा अन्तरिक्ष केन्द्रबाट मंगलबार बिहान प्रक्षेपण गरिएको हो । प्रक्षेपणको एक घण्टाभन्दा बढी समयपछि यान रकेटबाट सफलतापूर्वक छुट्टिएको थियो ।

अन्तरिक्ष यान सन् २०२७ को अगस्टमा मंगल ग्रहको नजिक पुग्नेछ । त्यसपछि यसले फोबोसको परिक्रमा गर्दै कम्तीमा १० ग्राम सतही पदार्थ संकलन गर्नेछ । फ्रान्सेली–जर्मन रोभर ‘इडफिक्स’ ले पनि फोबोसको सतहको अवलोकन गर्दै सुरक्षित अवतरणको प्रयास गर्नेछ ।

जाक्साका अनुसार अभियानले मंगल र यसका दुई चन्द्रमा फोबोस तथा डिमोसको उत्पत्ति’bout जानकारी जुटाउनेछ । एउटा सिद्धान्तले मंगल ग्रह र अर्को खगोलीय पिण्डबीचको ठक्करबाट चन्द्रमा बनेको मान्छ भने अर्कोले ती मंगलको गुरुत्वाकर्षणले तानेका क्षुद्रग्रह भएको ठान्छ । यी सिद्धान्तमध्ये कुन सही हो भन्ने पत्ता लाग्दा चट्टानी ग्रहमा जीवन अनुकूल वातावरण कसरी विकास भयो भन्ने बुझ्न सहयोग पुग्ने वैज्ञानिकहरूको विश्वास छ ।

अमेरिकी अन्तरिक्ष निकाय नासाकी विज्ञान अभियान निर्देशनालयकी प्रशासक निकी फक्सले नमूना अध्ययनले भविष्यमा मंगल ग्रहमा मानव पठाउने तयारीमा सहयोग पुग्ने बताउनुभएको छ । अभियानमा अमेरिका, युरोपेली अन्तरिक्ष एजेन्सी, विश्वविद्यालय र प्रविधि कम्पनीहरूले पनि सहकार्य गरेका छन् ।

यसैबीच, अमेरिका र चीन मंगल ग्रहबाट चट्टानका नमूना पृथ्वीमा ल्याउने अभियानमा प्रतिस्पर्धा गरिरहेका छन् । नासाको ‘पर्सिभरेन्स’ रोभरले सन् २०२१ देखि मंगलमा नमूना संकलन गरिरहेको छ । तर, अमेरिकी प्रशासनले ती नमूना पृथ्वीमा फर्काउने अभियान रद्द गरेको थियो । चीनले सन् २०२८ तिर तियानवेन–३ प्रक्षेपण गरी सन् २०३१ सम्ममा मंगलका नमूना पृथ्वीमा ल्याउने लक्ष्य राखेको छ ।

सम्बन्धित समाचार

भारतमा ठूलो प्रदर्शनअघि ‘कक्रोच’ आन्दोलनका प्रमुखसहित तीन नेता पक्राउ साउदीको रियाद विमानस्थलमा आक्रमण : १२ जनाको मृत्यु, ३०० भन्दा बढी घाइते चिनियाँ खाना राख्ने कार्टनको अमेरिकी कथा दुर्गा पूजामा भागदौड हुँदा १९ जनाको मृत्यु, २५ घाइते रुसमाथिका प्रतिबन्धमा ट्रम्पको रोक, पुटिनलाई फाइदा पुग्ने भन्दै अमेरिकी सांसद र युक्रेनद्वारा आलोचना कांग्रेसको बन्दसत्रलाई भोलि बिहान गगन थापाले सम्बोधन गर्ने कांग्रेस महाधिवेशन : उम्मेदवारहरूको नामावली सार्वजनिक, यस्तो छ सूची पाकिस्तानमा विद्यालयको छाना खस्दा कम्तीमा ३३ विद्यार्थी र एक शिक्षकको मृत्यु