तुलसीपुर । बालिकालाई बलात्कार गरेको आरोपमा तुलसीपुरमा एक युवक पक्राउ परेका छन् । पक्राउ पर्नेमा दंगीशरण गाउँपालिका–३ चखौरा निबासी २२ बर्षका सचिन चौधरी रहेको ईलाका प्रहरी कार्यालय तुलसीपुरका प्रहरी निरीक्षक झलकप्रसाद शर्माले जानकारी दिए ।
१६ बर्षकी किशोरीलाई तुलसीपुर उपमहानगरपालिका–२ कुइरेपानीको जंगलमा शनिबार बलात्कार गरेको आरोप चौधरीमाथि लागेको छ । पीडितले दिएको जाहेरीका आधारमा पक्राउ परेका युवकका विरुद्ध जबरजस्ती करणी सम्बन्धी मुद्दा चलाईने प्रहरी निरीक्षक शर्माले बताए ।
यता, लकडाउनमा घुम्न निस्किएका ३ जनालाई प्रहरीले तुलसीपुरमा पक्राउ गरेको छ । ‘लकडाउन खुलेको छ कि छैन भन्दै बजारमा डुलिरहेका रहेछन,’ पहरी निरीक्षक झलक प्रसाद शर्माले भने – ‘ लकडाउनको उलंघन गरेर विनाकामै बजारमा हिडिरेकाले यिन्त्रणमा लिएका हौ ।’
समाजका जान्नेबुझ्नेहरुबाटै लकडाउनको उलंघन हुँदा त्यसले प्रत्यक्ष असर पारेको प्रहरीेले बताएको छ ।
