इलाम । इलाममा बाढीपहिरोमा परी मृत्यु हुनेको सङ्ख्या ३९ पुगेको छ । सन्दकपुर गाउँपालिका ५ का २४ वर्षीय प्रवेश गुरुङको शव फेला परेसँगै मृतकको सङ्ख्या ३९ पुगेको जिल्ला प्रहरी कार्यालय इलामले जनाएको छ ।

प्रहरीका अनुसार गुरुङ असोज १८ गतेदेखि बेपत्ता भएको थियो । स्थानीय खोलाले बगाएको करिब चार सय मिटर तल मङ्गलबार उनको शव फेला परेको छ । इलाममा असोज १८ गते ३७ जनाको शव फेला परेको थियो । असोज २० गते इलाममा थप एक जनाको शव फेला परेको थियो ।

इलाम नगरपालिका ६ का महेन्द्र लिम्बू अझै बेपत्ता छन् । जिल्लाका सबै ठाउँमा सडक अवरुद्ध छ । जिल्लाका दुरदराजमा गर्भवती र बिरामीको बिचल्ली भएको छ ।

बिचल्ली भएकालाई लिन गएको नेपाली सेनाको हेलिकोप्टर समेत अवतरण गर्न सकेको छैन । प्रतिकुल मौसमका कारण उद्धारमा कठिनाई भइरहेको इलामका प्रमुख जिल्ला अधिकारी सुनिता नेपालले जानकारी दिएको छ । स्थानीय पालिकाले सडक खुलाउनका लागि सबै ठाउँमा काम गरिरहेका छन् ।

सम्बन्धित समाचार

तुइन खोलाको पहिरो पन्छाउन २ दिन लाग्ने दसैँ सुरु भएपछि साढे पाँच लाखले छाडे उपत्यका मनसुनी गतिविधि थप सक्रिय हुने, एकादशीबाट पानी पर्ने, सावधानी अपनाउन अनुरोध दसैँमा छ लाख ११ हजार बढीले उपत्यका छाडे दसैँको मुख्य दिन: विजयादशमी पर्व मनाइँदै देशभर बदली रहने, यी प्रदेशहरूमा भारी वर्षाको सम्भावना आज कुन-कुन राजमार्ग छन् अवरुद्ध ? खोकनावासीको दसैं फूलपातीअघि नै