काठमाडौं । काठमाडौं महानगरपालिकाले सरकारी जग्गा खाली गर्न र नगरे डोजर लगाएर हटाउने सात दिने सूचना जारी गरेपछि त्रसित काठमाडौंका सुकुम्बासीहरुलाई आम जनता पार्टी (आजपा) का अध्यक्ष प्रभु साहले साथ दिने भएका छन् ।

काठमाडौंका मेयर बालेन शाहले सुकुम्बासीलाई डोजर लगाएर पनि हटाउने चेतावनी दिइरहेको बेला आजपा अध्यक्ष प्रभु साह सुकुम्बासीको पक्षमा खुलेर फेरी बालेनको डोजर आतंक आफूहरुलाई स्वीकार्य नभएको र कानून विपरित महानगरबाट हुने जस्तोसुकै कार्यको प्रतिकार गर्ने चेतावनी दिएका छन् ।

‘काठमाडौं महानगरद्धारा सुकुम्बासी बस्ती बिरुद्ध भइरहेको षडयन्त्र रोक्न’ आजपा निकटको आम सुकुम्बासी तथा अव्यवस्थित बसोबासी संघले आज (सोमबार) काठमाडौंको कोटेश्वरमा आयोजना गरेको पूर्वतयारी एवं खबरदारी कार्यक्रमलाई सम्बोधन गर्दै साहले सुकुम्बासीलाई हटाउने हैन बसोबास गरिरहेकै क्षेत्रमा व्यवस्थित रुपमा पक्की घर निर्माण गरेर दिनुपर्ने बताए ।

‘सुकुम्बासीलाई हटाउने होईन, बसिरहेकै क्षेत्रमा पक्की घर बनाएर सरकारले दिनुपर्छ । संविधान, कानूनले सबै नेपालीको बस्ने, खाने, रोजगारी गर्ने अधिकार दिएको छ । यदी कानून विपरित काठमाडौं महानगरले सुकुम्बासी बस्तीमा डोजर आतंक मचाएर उपद्रो मचाउन खोजे त्यो आफूहरुलाई कुनै हालतमा स्वीकार्य हुदैन,’ आजपा अध्यक्ष साहले भने, ‘गरिब हटाउने होइन, गरिबी हटाउने सदबुद्धी मेयर बालेनलाई आओस । सुकुम्बासीलाई आतंकित बनाउने कार्य बन्द गर्नुस् । त्यो हामीलाई कुनै हालतमा पनि स्वीकार्य छैन् ।’

संविधान, कानूनले सबै नेपाली नागरिकलाई जग्गा दिन, घर दिन भनेको उल्लेख गर्दै आजपा अध्यक्ष साहले काठमाडौंका ललिता निवास लगायतका जग्गा भूमाफियाले कब्जा गर्न सक्ने तर बालेनले सुकुम्बासीलाई घर बनाएर दिन नसक्ने हो भने रौतहटको मौलापुरका मेयर रिना साहले कसरी दलितलाई पक्की घर बनाएर दिएको छ त्यसबाट सिकेर काम गर्न सुझाव दिए ।

‘शासकको राम्रो नियत भयो भने काठमाडौंको सुकुम्बासी समस्या एक महिनाभित्रमा समाधान हुनसक्छ । नपत्याए तपाईहरुले मौलापुरमा कसरी दलितलाई पक्की भवन निर्माण गरेर व्यवस्थित बस्ती दिइएको छ त्यसबाट सिकेर काम गर्नुस । शासकहरुको कुकर्मले कोही सुकुम्बासी भए भने कोही हुकुम्बासी र जमिन्दार भएका छन् । यस्तो हर्कत सुधार नभए हामी जस्तो सुकै प्रतिकार गर्नका लागि तयार छौं,’ आजपा अध्यक्ष साहले चेतावनीको शैलीमा भने ।

सुशीला कार्की नेतृत्वको सरकारले सुकुम्बासी समस्या समाधान गर्छ की भन्ने बिश्वास रहेको भएको तर यो सरकारले पनि भूमी आयोग नै खारेज गरेर तमासा गरिररहेको टिप्पणी उनले गरे ।

‘बालेन मात्रै होइन, काठमाडौं महानगरपालिकामा उपमेयर, वडा अध्यक्ष, सदस्यहरु पनि छन जसलाई तपाईहरुले भोट दिनुभएको छ । तिनिहरु पनि किन मौन बसेका ? किन नबोलेका ? यो बालेनदेखी, कांग्रेस, एमालेबाट बिजयी भएका सबैले मौनता किन साधेको ? हामी कांग्रेस, एमालेको धारणा के हो जान्न चाहन्छौं ?’ प्रश्न गर्दै उनले भने ।

सुकुम्बासी, कबाड व्यवसायी, फुटपाथ व्यवसायीले अब मिलेर बालेनको हर्कतका बिरुद्धमा एकजुट भई प्रतिकारमा उत्रिन समेत आजपा अध्यक्ष साहले आह्वान गरेका छन् । संविधान, कानून अनुसार देश बनाउने, जनतालाई सेवा, सुविधा दिन अगाडी आउन बालेनलाई सुझाव दिदै आजपा अध्यक्ष साहले कानून विपरित महानगरको हर्कतका बिरुद्धमा जस्तो सुकै प्रतिकार गर्न आफूहरु तयारी अवस्थामा रहेको चेतावनी दिए ।

कार्यक्रमलाई सम्बोधन गर्दै आजपा सहअध्यक्ष एवं संविधानसभाका सदस्य तिलक थापा मगरले अब मुलुकको विकास ‘प्रभु साहको मौलापुर विकास मोडेल’ अनुसार गर्न आवश्यक भएको बताए । मौलापुरमा प्रभु साहले गरेको विकास एवं शुन्य कर नीति अनुसार मुलुकलाई अगाडी बढाउन पार्टीले सरकार प्रमुखको रुपमा प्रभु साहलाई आगामी प्रधानमन्त्रीको रुपमा अगाडी बढाउने उदघोष समेत उनले गरे ।

सम्बन्धित समाचार

कांग्रेस र एमालेको गलत नीति र नेतृत्वका कारण मुलुकले ठुलो क्षति व्यहोर्नुपर्यो : प्रभु साह ‘चोरबाटो’बाट विदेश पुगेका संसद्का कर्मचारीको खर्च बेरुजूमा पदयात्रामा जानु अघि मौसमवारे जानकारी लिन आग्रह जेन्जीका नाममा न्यायालय र प्रहरी माथि आक्रमण भयो : महासचिव पोखरेल शनिबारसम्म भारी वर्षाको चेतावनी, सतर्क बस्न प्रशासनको आग्रह साउदीमा रोजगारदाताले घरेलु कामदार भर्ती गर्दा कुनै पनि शुल्क लिन नपाउने जुट्नेभन्दा फुट्ने धेर, कम्युनिस्टहरूमा पुरानै झेल साउदीमा अकामा नभएका र हुरुब लागेका ९६ नेपालीलाई एक्जिट भिसा