धनगढी । नेकपा (एमाले) को ११ औँ महाधिवेशनमा सुदूरपश्चिम प्रदेशबाट केन्द्रीय पदाधिकारीमा एक जनाको सहभागिता रहेको छ । यो प्रदेशबाट केन्द्रीय पदाधिकारीमा लेखराज भट्टको मात्र सहभागिता रहेको हो ।

यसअघि १० औँ महाधिवेशनमा पनि केन्द्रीय पदाधिकारीमा सचिव रहेका भट्ट मात्रै थिए । यसपटक पनि उनी नै दोहरिएका हुन् । हालै सम्पन्न ११ औँ महाधिवेशनबाट भट्ट उपमहासचिवमा विजयी भएका हुन् ।

यसपटक केन्द्रीय पदाधिकारीमा कुनै समय अध्यक्ष केपी शर्मा ओलीनिकट मानिने कर्णबहादुर थापा पनि निर्वाचन लडेका थिए । तर, सचिव पदमा उनी पराजित भएका छन् । उनी केन्द्रीय सदस्यमा भने विजयी भएका छन् ।

यस्तै, एमालेको केन्द्रीय सदस्यमा भने सुदूरपश्चिमबाट दर्जन बढी नेताले जित निकालेका छन् । खुला केन्द्रीय सदस्यमा लालबहादुर थापा, ऐनबहादुर महर, गणेशसिंह ठगुन्ना, झपटबहादुर बोहरा, झपटबहादुर रावल र दामोदर भण्डारी भण्डारी विजयी भएका छन् ।

विजयी भएकामध्ये रावल मात्रै ईश्वर पोखरेल टिमबाट निर्वाचन लडेका थिए । यस्तै महिलातर्फ सन्तोषकुमारी शर्मा थापा, कमला बोहरा र निरुदेवी पाल विजयी हुँदा अफिलाल ओखेडा र आशा विक दलित क्लस्टरबाट जित निकाल्न सफल भएका छन् । समावेशी थारुतर्फ कृपाराम राना र गौरीशंकर चौधरी विजयी भएका छन् ।

युवातर्फ नरेश रोकाया सर्वसम्मत केन्द्रीय सदस्यमा चयन भएका थिए । भूगोलको केन्द्रीय सदस्यमा भने गोविन्द गिरी, चक्रबहादुर मल्ल, पठानसिंह बोहरा, यज्ञबहादुर बोगटी, सहदेव बोगटी, लिलाधर भट्ट, लिलाकुमारी भण्डारी, कमलाकुमारी ओली र भागिरथी सिंह विजयी भएका छन् ।

सम्बन्धित समाचार

कैलाली–५ मा आरजु राणाको सम्भावित उम्मेदवारीले कांग्रेसभित्र हलचल ४० प्रतिशत महिला उम्मेदवार सुनिश्चित गर्न दलमाथि दबाब संसद् पुनर्स्थापनाका लागि काँग्रेस पनि सर्वोच्च पुग्यो, रिट दर्ता भोलि एमाले महाधिवेशनमा २४ सय प्रतिनिधि सहभागी हुने, १० हजार स्वयंसेवक परिचालिन गरिँदै धनकुटा एमाले प्रतिनिधि छनौट विवाद टुंगियो एमाले गण्डकी प्रदेश समितिबाट शेरचनसहित ५ प्रतिनिधि प्रधानमन्त्री–जेनजी प्रतिनिधि १० बुँदे सम्झौता प्रधानमन्त्री कार्की र पूर्वराष्ट्रपति भण्डारीबीच ओलीलाई गिरफ्तार गर्ने सल्लाह भएको छ: महेश बस्नेत