काठमाडौँ । सरकारलाई दबाब दिन माइतीघर पुगेको मिराज ढुंगाना समूहका केही जेन जेडहरूलाई प्रहरीले नियन्त्रणमा लिएको छ। काठमाडौँ प्रशासनले माइतीघरमा उक्त समूहलाई प्रदर्शन गर्न अनुमति दिएको थिएन।

अनुमतिबिना नै प्रदर्शन गर्न गएपछि प्रहरीले उनीहरूलाई त्यहाँबाट हटाएको हो। सोही क्रममा केही जेन जेडहरूलाई प्रहरीले नियन्त्रणमा लिएको छ। उनीहरूलाई भ्यानमा राखेर सुरक्षित स्थानमा लगिएको छ।

मिराजको समूह अनुमतिका लागि सोमबार बिहान १० बजेतिर जिल्ला प्रशासन काठमाडौँ गएको थियो। तर, उक्त समूहलाई प्रशासनले अनुमति दिएको थिएन। सर्वदलीय सरकार गठनको माग गर्दै उक्त समूहले आज प्रदर्शन गरेको थियो ।

रविकिरण हमालसहित ५ जना पक्राउ
सर्वपक्षीय सरकार गठनको माग गर्दै मिराज ढुंगानासहितका युवाहरूले माइतीघर मण्डलामा प्रदर्शन गरेका छन् । सो क्रममा माइतीघर मण्डलाबाट ५ जना प्रदर्शनकारीलाई प्रहरीले नियन्त्रणमा लिएको छ ।

रविकिरण हमालसहितका ५ जनालाई प्रहरीले नियन्त्रणमा लिएको हो । मिराज ढुंगानासहितका युवाहरूले माइतीघरमा प्रदर्शन गरेका छन् । प्रदर्शनमा सहभागीहरूले सर्वपक्षीय सरकार गठन गरेपछि मात्रै चुनाव हुनुपर्ने माग गरेका छन् ।

सम्बन्धित समाचार

काठमाडौँमा राप्रपाले गर्‍यो शक्ति प्रदर्शन दलहरूको निष्कर्ष: प्रतिनिधिसभा विघटन र सरकार असंवैधानिक एमाले महाधिवेशन लम्बियो, आज उम्मेदवारी भोलि मतदान ओली र ईश्वरको प्यानलमा को–को अटाए ? एमाले अध्यक्षमा केपी ओली र महासचिवमा शंकर पोखरेल निर्वाचित एमाले पदाधिकारीमा ओली प्यानलको वर्चस्व, यस्तो छ अन्तिम मत परिणाम मधेशको सभामुखमा जसपा नेपालका रामअशिष यादव निर्वाचित