धनकुटा । धनकुटाको हिलेमा जारी १८ औँ रामनवमी कप भलिबल प्रतियोगिताको उपाधिका लागि शुक्रबार भोजपुरको रामप्रसाद राई गाउँपालिका र झापाको कन्काइ नगरपालिका भिड्दै छन् । हिले भलिवल क्लवको आयोजनामा जारी कोशी प्रदेश स्तरीय अन्तरपालिका स्तरिय भलिवलको फाइनल खेल शुक्रबार दिउँसो १ बजेबाट हिले खेलमैदानमा हुनेछ । बिहीबार भएका सेमिफाइनलबाट भोजपुरको रामप्रसाद राई गाउँपालिकाले धनकुटाको पाख्रिवास नगरपालिकालाई र झापाको कन्काइ नगरपालिकाले भोजपुरको षडानन्द नगरपालिकालाई पराजित गर्दै फाइनलमा स्थान बनाएका हुन् ।

पहिलो सेमीफाइनल खेलमा भोजपुरको रामप्रसाद राई गाउँपालिका धनकुटाको पाख्रिवास नगरपालिकालाई ३–२ को सेटमा पराजित गर्दै फाइनलमा पुगेको हो । रामप्रसाद राई गाउँपालिकाले पाख्रिबास नगरपालिकालाई २५—१६, १५—२५, २२—२५, २७—२५, १५—११ को सेटले पराजित गरेको हो । बिहीबार नै सम्पन्न दोस्रो सेमिफाइनल खेलमा झापाको कनकाई नगरपालिका भोजपुरको षडानन्द नगरपालिकालाई ३–१ को सेटमा पराजित गर्दै फाइनलमा पुगेको हो। कन्काइ नगरपालिकाले षडानन्द नगरपालिकालाई १७—२५, २५—२३ र २५—१८ र २५—१९ कोसेटले पराजित गरेको गरेको हो ।

प्रतियोगिताको विजेता टोलीले नगद २ लाख २ हजार २ सय २२ रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेताले नगद १ लाख १ हजार १ सय ११ रुपैयाँसहित ट्रफी, मेडल प्राप्त गर्ने हिले भलिबल क्लबका अध्यक्ष सञ्जीव तामाङले जानकारी दिए । प्रतियोगितामा कोशी प्रदेशका ९ वटा पालिकाको सहभागिता रहेको थियो । धनकुटाको हिलेमा रामनवमीको अवसरमा २०५५ सालबाट भलिबल प्रतियोगिता सञ्चालन हुँदै आएको छ ।

सम्बन्धित समाचार

भद्रपुरमा सर्वाधिक पुरस्कारको महिला फुटबल प्रतियोगिता सूर्य नेपाल वेस्टर्न ओपन सुरू: पहिलो दिन ५ गल्फर शीर्षस्थानमा फुटबल प्रतियोगिता स्थगित हुँदा क्लब जोखिममा कोसीलाई पराजित गर्दै लुम्बिनी शीर्षस्थानमा धनकुटामा रामनवमी कप भलिवलको तयारी पुरा प्रधानमन्त्री कप क्रिकेटः मधेस प्रदेश पाँच विकेटले विजयी निर्देशनविपरित निर्वाचन गर्न लागेको भन्दै राखेपद्वारा एन्फा निलम्बित प्रधानमन्त्री कप क्रिकेट : नेपाल पुलिस विजयी