१० औं पोखरा स्पोर्टस् अवार्डको मनोनयन

पोखरा । १० औं पोखरा स्पोर्टस् अवार्डका लागि उत्कृष्टको मनोनयन सार्वजनिक गरिएको छ । बिहीबार नेपाल खेलकुद पत्रकार मञ्च गण्डकीले पोखरामा पत्रकार सम्मेलन गरी विभिन्न ९ मध्ये ४ विधामा उत्कृष्ट ३ को मनोनयन सार्वजनिक गरेको हो ।

पुरुषतर्फ वर्ष खेलाडीमा विज्ञान टि. खत्री (जुडो), प्रदीप खड्का (टेनिस) र सञ्जुविक्रम शाह (भलिबल) खेलाडी मनोनयनमा परेका छन् । सुरुमा उदीयमान खेलाडीको मनोनयनमै परेका प्रदीपले वर्ष खेलाडीमा पटक–पटक अवार्ड जितेका छन् ।

यसैगरी, महिलातर्फ वर्ष खेलाडीमा मोनिका राना (आर्चरी, नारायणी भण्डारी (एथ्लेटिक्स) र मनीषा तामाङ (जुडो) पर्न सफल भए ।

उदीयमान खेलाडीतर्फ अनुष्का अधिकारी (एथ्लेटिक्स), सचिन सुनार (तेक्वान्दो) र निभा राई (ब्याडमिन्टन) परेका छन् । वर्ष उत्कृष्ट प्रशिक्षकमा टेनिसका कुमार अधिकारी, तेक्वान्दोकी रेखमाया गुरुङ र एथ्लेटिक्सका सिद्धान्त अधिकारी पर्न सफल भए ।

खेलाडी छनोट समितिले वर्ष २०८२ मा उत्कृट खेल प्रदर्शन आधारमा उनीहरुको छनोट गरेको आयोजकको दाबी छ ।

यसअघि सार्वजनिक पिपल च्वाइस अवार्डमा उत्कृष्ट ५ भित्र फुटबलका दीप कार्की, एथलेटिक्सकी नारायणी भण्डारी, भलिबलका राजन दर्लामी, क्रिकेटका विपीन खत्री र मुवाथाई÷आइटिएफ तेक्वान्दोकी सुस्मिता थापा मगर परेका छन् ।

यही ३१ वैशाखमा पोखरामा हुने अवार्ड समारोहमा तीमध्ये १ जनालाई अवार्ड प्रदान गरिनेछ । पुरुष र महिला वर्ष खेलाडीसहित उदीयमान र प्रशिक्षक विधामा मनोनयनमा परेकामध्ये एक जनालाई छनोट समितिले निर्णय गर्नेछ भने पिपल च्वाइसमा भने भोटिङका आधारमा निर्णय हुनेछ । वर्ष खेलाडी तथा पिपल च्वाइसमा पर्नेलाई स्कुटर प्रदान गरिने आयोजकको छ ।

यसैगरी, वर्ष उत्कृष्ट खेल पत्रकारको अवार्ड दीननाथ बराललाई दिइने भएको छ । छनोट समितिको सिफारिसमा बराललाई अवार्ड दिइन लागेको मञ्च अध्यक्ष एमबि आस्थाले जनाए । यसअघि, उक्त अवार्ड पत्रकार सन्तोष पोखरेल, विनोद लामिछाने, सन्देश श्रेष्ठ, केशव पाठक, दीपक परियार, सागरराज तिमिल्सिना, रोहितराज पराजुली र विजय नेपालले प्राप्त गरिसकेका छन् ।

यसैगरी, वर्षको उत्कृष्ट खेल संस्था अवार्ड क्रिकेट संघले पाएको छ ।

हिमश्री फुड्सको उत्पादन रारा चाउचोकको टाइटल स्पोन्सरमा हुने अवार्ड समारोहमा लाइफटाइम अचिभमेन्ट अवार्ड, स्पेशल अवार्डसहित विभिन्न ९ विधामा अवार्ड प्रदान गरिने मञ्चका महासचिव परशुराम शर्माले पत्रकार सम्मेलनमा बताए ।

तपाइको प्रतिक्रिया
(Visited 19 times, 1 visits today)

सम्बन्धित समाचार

पोखरामा प्रहरीको ‘स्वीप अप्रेशन’, एकै रातमा १२२ जना पक्राउ आईसीसी विश्वकप लिग–२ क्रिकेट : नेपालद्वारा यूएईलाई २०१ रनको लक्ष्य छैटौँ दुगुनागढी–लिस्तिकोट ‘माउन्टेन ट्रेल रेस’ आगामी सोमबार सडक अलपत्र पार्ने निर्माण व्यवसायीलाई कारबाहीको माग वैशाख १६ देखि राष्ट्रिय रापिड तथा ब्लिट्ज चेस च्याम्पियनसिप ‘चन्द्रगढी महिला गोल्डकप’ उपाधि एपीएफलाई ओमानसँग नेपाल १०२ रनले पराजित नयाँ प्रशासनिक भवनबाट सेवा सुरु

epaper

प्रमुख

ताजा समाचार

ट्रम्पको चेतावनीबीच अमेरिकी प्रस्ताव अध्ययन गर्दै इरान
काठमाडौं । सम्पत्ति छानबिन आयोगले ८ जना पूर्वप्रधानमन्त्रीदेखि सहसचिवसम्मका ५० हजारभन्दा बढी पदाधिकारी र कर्मचारीको सम्पत्ति छानबिन थालेको छ । ८ पूर्वप्रधानमन्त्रीदेखि सहसचिवसम्मलाई १०५ दिनभित्र हुनसक्छ कारबाही पदीय दुरुपयोग गरी ...
काठमाडौं । सर्वोच्च अदालतको प्रधानन्यायाधीश नियुक्ति प्रक्रिया अघि बढाउन संवैधानिक परिषद्को बैठक आह्वान गरिएको छ। संवैधानिक परिषद्का अध्यक्षसमेत रहेका प्रधानमन्त्री बालेन शाहको निर्देशनमा परिषद् सचिवालयले भोलि बिहीबारका लागि परिषद्को बैठक ...
काठमाडौं । सार्वजनिक पदाधिकारीको पदमुक्ति सम्बन्धमा विशेष व्यवस्था गर्न बनेको अध्यादेश जारी भएसँगै ११० निकायका १५ सय जना बढीको राजनीतिक नियुक्ति खारेज हुँदा राष्ट्रपति रामचन्द्र पौडेलका भतिजाको भने जोगिएको छ ...
काठमाडौँ । प्रमुख प्रतिपक्षी नेपाली काँग्रेसले सरकारले ल्याएको संवैधानिक परिषद्सम्बन्धी अध्यादेशप्रति आपत्ति जनाउँदै यसको उद्देश्यमाथि प्रश्न उठाएको छ । पार्टीको संसद् समन्वय बोर्ड बैठकपछि सञ्चारकर्मीहरूसँग कुरा गर्दै संसदीय दलका नेता ...
काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणले जोखिमयुक्त सडकमा सवारी आवगमन बन्द गरी, यात्रु तथा सवारीसाधनको सुरक्षा सुनिश्चित गर्न, गराउन सबै जिल्ला प्रशासन कार्यालयलाई निर्देशन दिएको छ । ...