काठमाडौं । अभिनेता जितु नेपालले आफ्नो लगानीमा चलचित्र ‘आइ एम जीत बहादुर’ निर्माण गरेका छन् । यो चलचित्र उनले आगामी ५ असारमा चलचित्र घरमा ल्याउँदैछन् । जितुकै शब्द र बव एसएनको संगीतमा कैलाश खेरले स्वर दिएको यो चलचित्र शीर्ष गीत मंगलवार सार्वजनिक गरिएको छ । चलचित्रको यो शीर्ष गीतको भिडियोमा जितुसँगै वर्षा राउत, प्रियंका कार्की, सन्दीप क्षत्रीलगायतको अभिनय रहेको छ ।

चलचित्रको यो शीर्ष गीत ओएसआर डिजिटलको यु ट्युव च्यानल मार्फत सार्वजनिक गरिएको हो । यो चलचित्रलाई सुभेन्दु घोषले निर्देशन गरेका हुन् । निर्देशक घोषका अनुसार गाउँबाट शहर आएर कलाकार बन्न संघर्ष गर्ने एक युवाको कथा यसमा प्रस्तुत गरिएको छ ।

चलचित्रमा जितु नेपाल मुख्य भूमिकामा छन् भने उनकी जोडीका रूपमा वर्षा राउत छिन्। साथमा प्रियंका कार्की, सन्दीप क्षेत्री, देशभक्त खनाल, पवन खतिवडा ’बाबा’, बाल कलाकार साहरा शर्मा लगायतको अभिनय छ ।

कर्मभूमि क्रिएशनको ब्यानरमा निर्माण भएको यस चलचित्रका कार्यकारी निर्माता निश्चल कुँवर र निरज नेपाल रहेका छन् । जसमा राजन सिंखडा र दीपेन्द्र अधिकारी सह–निर्माताको रूपमा छन्। भारतीय सिनेमाटोग्राफर अरविन्दले छायांकन गरेको यो चलचित्रको सम्पूर्ण पोस्ट–प्रोडक्सन कार्य भारतमै सम्पन्न गरिएको निर्माण पक्षले जनाएको छ ।

सम्बन्धित समाचार

चलचित्र ‘लालीबजार’को प्रदर्शनमा अदालतको रोक जहाँ गुञ्जिँदै छन् प्रगतिशील सुरहरू, नयाँ पुस्ताका लागि चीनमा नेपाली चलचित्रको प्रदर्शनमा सरकारी चासो ‘धुरन्धर २’को लाइभ विस्फोटमा ५०० लिटर पेट्रोल प्रयोग निताले २२ दिनमा सकिन् ‘पार्वती’ महिला आयोग पुगेर नोराले पनि मागिन माफी एकसाथ जुधे तीन नेपाली चलचित्र पोखरामा जिफानले सिकायो अभिनय