काठमाडौं । नेपाल संयुक्त राष्ट्रसङ्घीय महासभा (यूएनजीए) को ८१औँ अधिवेशनअन्तर्गत प्रथम समिति (निःशस्त्रीकरण तथा अन्तर्राष्ट्रिय सुरक्षा)को अध्यक्षमा निर्वाचित भएको छ।

संयुक्त राष्ट्रसंघका लागि नेपालका स्थायी प्रतिनिधि राजदूत लोकबहादुर थापाले मुलुकका लागि यो ठूलो कूटनीतिक उपलब्धि भएको बताए। बहुपक्षीयता, अन्तर्राष्ट्रिय शान्ति, सुरक्षा तथा विश्वव्यापी निःशस्त्रीकरणका प्रयासप्रति सात दशकभन्दा लामो समयदेखि व्यक्त नेपालको प्रतिबद्धताप्रतिको अन्तर्राष्ट्रिय मान्यता भएको थापाको भनाइ छ।

प्रथम समितिको अध्यक्षमा निर्वाचित भएपछि थापाले सदस्य राष्ट्रहरूले नेपालमाथि गरेको विश्वास र समर्थनप्रति आभार व्यक्त गरेका छन्। उनले उक्त जिम्मेवारी निष्पक्षता, पारदर्शिता र समावेशिताका आधारमा प्रभावकारी ढङ्गले निर्वाह गर्ने प्रतिबद्धता व्यक्त गरेको न्युयोर्कस्थित नेपालको स्थायी नियोगले जनाएको छ।

समितिले निःशस्त्रीकरण, अन्तर्राष्ट्रिय सुरक्षा तथा विश्व शान्तिसम्बन्धी विषयमा छलफल र निर्णय प्रक्रियामा महत्त्वपूर्ण भूमिका निर्वाह गर्दै आएको छ।

सम्बन्धित समाचार

ग्यालेक्सी S26+ मा रु २३ हजार क्यासब्याक अफर सरकारी विज्ञापन वितरणमा विभेदविरुद्ध महासंघले थप आन्दोलन गर्ने ठाटीकाँध गाउँपालिकामा विद्यालय समायोजन लागू भारतीय गृहमन्त्री साहद्वारा ४० किलो चन्दन पशुपतिनाथमा अर्पण पूर्णिमा छैटौँ पटक सगरमाथा शिखरमा तरलता व्यवस्थापनका लागि एक खर्ब रकम उठाउँदै राष्ट्र बैंक महालक्ष्मी विकास बैंकको ३२औँ वार्षिकोत्सव विविध कार्यक्रमसहित सम्पन्न लहानका विपन्न मुसहर परिवारलाई सुरक्षित आवास हस्तान्तरण