वासिङ्टन । इरान र ओमानबीच चलिरहेको वार्तामा सकरात्मक प्रगति भएको जनाउँदै वार्तापछि रणनीतिक जलमार्ग स्ट्रेट अफ होमुर्ज पुनः खुल्ने एक अमेरिकी अधिकारीले बताएका छन् ।

नाम नछाप्ने सर्तमा अमेरिकी अधिकारीलाई उद्धृत गर्दै रोयटर्सले इरान र ओमान, जलमार्गको सिमानामा रहेका दुई राष्ट्रहरूबीचको सम्झौताले व्यावसायिक तेल ढुवानी पुनः सुरु गर्न अनुमति दिँदै अमेरिकाले चाँडै सम्झौता हुने अपेक्षा गरेको जनाएको छ ।

अधिकारीले व्यावसायिक ढुवानी पुनस्र्थापना गर्ने सम्झौता घोषणा भएपछि संयुक्त राज्य अमेरिकाले इरानी बन्दरगाहहरूको नाकाबन्दी हटाउनेसमेत बताएको रोयटर्सले उल्लेख गरेको छ ।

आगामी कदमहरू इरानले आफ्ना दायित्वहरू कसरी पूरा गर्छ भन्ने विषयमा निर्भर हुने कुरामा जोड दिँदै अधिकारीले इरानले आफ्ना प्रतिबद्धताहरूको कार्यान्वयन गर्ने अमेरिकी अपेक्षा व्यक्त गरेका छन् ।

यसअघि, अमेरिकी राष्ट्रपति डोनाल्ड ट्रम्पले होर्मुजको जलमार्ग संयुक्त राज्य अमेरिका र इरानबीचको वार्ता सम्भावित सम्झौताको नजिक पुग्दा इन्धनको मूल्य घट्न सक्ने आशा व्यक्त गरेका थिए ।

फक्स न्यूजका अनुसार, वार्ताको प्रगतिले तेल ढुवानीका लागि विश्वको सबैभन्दा महत्त्वपूर्ण समुद्री व्यापार मार्ग होर्मुजलाई स्थिर बनाउन मद्दत गर्ने र वार्ता सफल भए पेट्रोलको मूल्य कम हुने आशा बढेको छ ।

राष्ट्रपति ट्रम्पले इरानले आणविक हतियार भण्डारण सुरक्षित गर्न नहुने अमेरिकी अडान कायम राख्दै ओभल अफिसमा पत्रकारहरूसँग इरानसँगको द्वन्द्व चाँडै अन्त्य हुने विश्वास व्यक्त गरेका थिए । केही सुरक्षा चिन्ताका विषयहरूमा अझै सहमति हनु बाँकी भए पनि छलफलमा सकरात्मक प्रगति भइरहेको उनले बताएका छन् ।

होर्मुज जलमार्गमा निर्वाद आवागमनको सुरक्षा सुनिश्चितता कायम भए पछि अमेरिकी नौ–सेनाको नेतृत्वमा भएको नाकाबन्दी नियन्त्रण गर्ने तयारी गरिरहेको पनि उनले बताएका छन् ।

अर्कोतर्फ, इरानका कार्यवाहक रक्षामन्त्री ब्रिगेडियर जनरल मजिद एबन–ए–रेजाले देशको सशस्त्र बलहरू कुनै पनि बाह्य खतराको सामना गर्न पूर्ण रूपमा तयार रहेको र इरानको सैन्य शक्ति यसको स्वदेशी रक्षा उद्योगमा निहित रहेको कुरामा जोड दिएको इरानको इराना समाचार एजेन्सीले जनाएको छ ।

सम्बन्धित समाचार

स्ट्रेट अफ होर्मुजमा व्यापारिक ढुवानीको रक्षाको लागि अन्तर्राष्ट्रिय गठबन्धनको तयारीमा अमेरिका र बेलायत : प्रतिवेदन आक्रमण रोकिएपछि अमेरिका–इरान वार्ताको सम्भावना बलियो दक्षिण कोरियाका पूर्वराष्ट्रपति युनलाई १८ महिनाको जेल सजाय, तर जाने छैनन् तत्काल जेल पेरुमा नाज्का लाइन्स दृश्यावलोकन उडान दुर्घटना, १३ जनाको मृत्यु हर्मुजमा कार्गो जहाजमाथि आक्रमण, फेरि थपियो नयाँ चिन्ता निर्वासनबाटै सक्रिय हसिना अब अमेरिकामा जन्मिएकै भरमा नागरिकता नपाइने, ‘बर्थ टुरिज्म’ मा ट्रम्पको प्रतिबन्ध धनगढीका नितेशले बनाए विश्व बजार तताउने एआई ‘अल्केमी’