ढल्केबरमा ट्रमा सेन्टर निर्माण अवरुद्ध हुँदैन : स्वास्थ्यमन्त्री मेहता

काठमाडौं । धनुषाको ढल्केबरमा प्रस्तावित ट्रमा सेन्टर निर्माणको माग उठान भइरहेका बेला स्वास्थ्य तथा खाद्य स्वच्छतामन्त्री निशा मेहताले ढल्केबरको ट्रमा सेन्टर निर्माण प्रक्रिया नरोकिने स्पष्ट पारेकी छन् ।

उनले नयाँ संरचना निर्माण सम्पन्न हुन समय लाग्ने भएकाले तत्कालका लागि लहानस्थित प्रादेशिक अस्पतालमा ‘ट्रमा युनिट’ सञ्चालन गर्न लागिएको बताएका हुन् ।

सोमबार प्रतिनिधिसभामा जवाफ दिँदै मन्त्री मेहताले ढल्केबरमा क्रिटिकल केयर तथा ट्रमा सेन्टर निर्माणको प्रक्रिया अघि बढिसकेको बताएकी हुन्। मन्त्री मेहताका अनुसार दुर्घटनामा गम्भीर घाइते भएका नागरिकलाई उपचारका लागि काठमाडौं ल्याउनुपर्ने बाध्यता अन्त्य गर्न सरकारले तत्काल सेवा र दीर्घकालीन पूर्वाधार निर्माणलाई सँगसँगै अघि बढाएको छ ।

लहानस्थित प्रादेशिक अस्पतालमा सीटी स्क्यान, आवश्यक चिकित्सकीय जनशक्ति, बिरामीको पर्याप्त चाप तथा ब्लड बैङ्कलगायत ट्रमा सेवा सञ्चालनका लागि आवश्यक आधारभूत पूर्वाधार रहेकाले त्यहाँ तत्काल ट्रमा युनिट सञ्चालन गर्ने निर्णय गरिएको मन्त्री मेहताले बताइन्।

‘लहानमा ट्रमा युनिट सञ्चालन गर्नु ढल्केबरको विकल्प होइन’, मन्त्री मेहताले स्पष्ट पारिन्, ‘नयाँ संरचना निर्माण सम्पन्न नहुँदासम्म नागरिकलाई तत्काल उपचार उपलब्ध गराउने अन्तरिम र व्यावहारिक व्यवस्था हो ।’

मन्त्री मेहताले एक ठाउँमा दीर्घकालीन स्वास्थ्य संरचना निर्माण भइरहँदा अर्को ठाउँमा तत्काल सेवा विस्तार गर्नु विरोधाभास नभएको बताएकी छन् । सरकारको नीति नै आवश्यकताअनुसार देशका विभिन्न स्थानमा ट्रमा सेन्टर तथा ट्रमा युनिट विस्तार गर्ने रहेको उनको भनाइ छ ।

‘हाम्रो उद्देश्य एउटै हो– दुर्घटनामा परेका नागरिकले समयमै उपचार पाऊन् र उपचारका लागि काठमाडौं धाउनुपर्ने बाध्यता अन्त्य होस्’, मन्त्री मेहताले भनिन्।

मन्त्री मेहताले ढल्केबरमा निर्माण भइरहेको संरचनालाई अगाडि बढाउन तथा उपलब्ध पूर्वाधारबाट तत्काल नागरिकलाई सेवा दिने वातावरण बनाउन जनप्रतिनिधि र सम्बन्धित सबै पक्षलाई सहयोग गर्न समेत आग्रह गरेकी छन् ।

तपाइको प्रतिक्रिया
(Visited 31 times, 1 visits today)

सम्बन्धित समाचार

ट्रम्प भेट्न अमेरिका प्रस्थान गर्दै इजरायलका प्रधानमन्त्री नेतन्याहु सहरी पूर्वाधार, सौर्य ऊर्जा र वातावरणीय व्यवस्थापनमा सहकार्य थप हिंसा फैलिन नदिन प्रभावकारी भूमिका खेल्ने प्रधानमन्त्रीसमक्ष सांसदको प्रतिबद्धता ‘देश र कांग्रेस जोड्न साउन २० गते राष्ट्रिय भेला’ बढ्दो महँगी नियन्त्रण गर्न सरकारको ध्यानाकर्षण नेपाल र दक्षिण कोरियाबीच कनेक्टिभिटी बढाउनुपर्छ: परराष्ट्रमन्त्री खनाल तर्साएर तर्सिन्न, दबाएर दबिन्न : सभापति थापा कांग्रेस केन्द्रीय कार्यसमिति बैठक बस्दै

epaper

प्रमुख

ताजा समाचार

सुरक्षित र स्वास्थ्य खानेपानी उपलब्ध गराउने विषयमा छलफल
कालिकोट । रास्कोटमा इलाका प्रशासन कार्यालय खुलेको चार महिनामा १८ सय ४५ जना नागरिकले नागरिकता पाएका छन् । २०८३ वैशाख ७ गते औपचारिक रूपमा सेवा सुरु गरिएको रास्कोटमा १२ सय ...
काठमाडौं । गुह्येश्वरी फाँटस्थित गुह्येश्वरी ढल प्रशोधन केन्द्रले दैनिक तीन करोड २४ लाख लिटर फोहर पानी प्रशोधन गरिरहेको छ । केन्द्रका प्रमुख रामकुमार श्रेष्ठका अनुसार काठमाडौं उपत्यकाका विभिन्न स्थानमा ढल ...
काठमाडौं । पूर्वप्रधानमन्त्री पुष्पकमल दाहाल प्रचण्डले यो सरकारले किसानलाई रोपाइँको बेलामासमेत रासायनिक मल दिन नसकेको आरोप लगाएका छन्। नेकपाका संयोजकसमेत रहेका प्रचण्डले सामाजिक सञ्जालमा यतिखेर रोपाइँ सकिँदासमेत मधेस लगायत देशका ...
काठमाडौं । एनसेल आजियाटाले प्रविधि प्रविधि व्यवस्थापन सेवा सम्झौता (टेक्नोलोजी म्यानेजमेन्ट सर्भिस एग्रिमेन्ट, टिएमएसए)अन्तर्गत कार्यरत विदेशी कर्मचारीको तलब तथा सेवा सुविधाबापत रकम विदेश लैजान उद्योग विभागको अनुमति नपाएको स्वीकार गरेको ...
काठमाडौं । संघीय संसद्, प्रतिनिधिसभाको बैठक आज बस्दैछ । आज अपराह्न १ बजे सिंहदरबारमा बस्ने बैठकमा विभिन्न चारवटा विधेयक प्रस्तुत गर्ने कार्यसूची रहेको छ । संघीय संसद् सचिवालयका अनुसार आजको ...