सहसचिव र उपसचिवको नयाँ भर्ना खुल्ने !

काठमाडौं । कोभिड–१९ को बढ्दो संक्रमणबीच पनि सरकारका विभिन्न निकायमा रिक्त रहेका सहसचिव र उपसचिवमा नयाँ भर्ना प्रक्रिया सुरु हुने संकेत देखिएको छ ।

संघीय मामिला तथा सामान्य प्रशासन मन्त्रालयले संघीय सरकारका विभिन्न मन्त्रालय, निकाय, आयोग तथा सचिवालयमा रिक्त सहसचिव र उपसचिवको संख्या पठाउन बिहीबार पत्राचार गरेको छ । मन्त्रालयले आगामी १० भदौभित्र सबै रिक्त पदको विवरण पठाउन ती निकायलाई पत्राचार गरेको हो ।

मन्त्रालयले पदपूर्ति प्रक्रियाका लागि रिक्त दरबन्दीको विवरण माग गरेकाले सहसचिव र उपसचिवमा लोकसेवा आयोगको वार्षिक क्यालेन्डरअनुसार नै परीक्षा हुन सक्ने देखिएको हो । मन्त्रालयका अनुसार हाल सबै निकायमा गरेर सहसचिवतर्फ अप्राविधिक (प्रशासन) तर्फ ५२ र प्राविधिक सेवा समूहमा ३० गरी ८२ बढी पद रिक्त छन् ।

दुवै समूहमा गरी सहसचिवतर्फ ८२ र उपसचिवतर्फ २ सय गरी २ सय ८२ पदका लागि परीक्षा हुन सक्ने देखिएको छ ।

उपसचिवतर्फ दुवै सेवा समूहमा गरी २ सयभन्दा बढी पद रिक्त छ । जसमा प्रशासन सेवाको १ सय ३० र अप्राविधिक सेवाको ७० बढी पद रिक्त रहेको मन्त्रालयले जनाएको छ । दुुवै सेवा समूहमा गरी सहसचिवतर्फ ८२ र उपसचिवतर्फ २ सय जना गरी २ सय ८२ पदका लागि परीक्षा हुने देखिएको हो ।

सामान्यको सो मागपत्रअनुसार अब सबै निकायले आफ्नो निकायमा रिक्त सहसचिव र उपसचिवको पद संख्या पठाउनु पर्नेछ । त्यसरी पठाइएको पदसंख्याका आधारमा संघीय मामिला तथा सामान्य प्रशासन मन्त्रालयले रिक्त पदपूर्तिका लागि लोकसेवासमक्ष सिफारिस गर्ने कानुनी प्रावधान छ । लोकसेवा आयोगले आफ्नो वार्षिक परीक्षा क्यालेन्डरअनुसार नै सहसचिवदेखि खरिदारसम्मको परीक्षा सञ्चालन गर्नेछ ।

संघीय मामिला तथा सामान्य प्रशासन मन्त्रालयले लोकसेवा आयोगको वार्षिक कार्यतालिकाअनुसार नै सबैभन्दा पहिला सहसचिव र उपसचिवको रिक्त दरबन्दीमा पदपूर्तिका लागि सिफारिस गर्नेछ । मन्त्रालयले पठाएको रिक्त संख्याका आधारमा लोकसेवा आयोगले उपसचिव र सहसचिव छनोट प्रक्रिया थाल्नेछ ।

मन्त्रालयका अनुसार रिक्त पदसंख्या आएपछि सोही आधारमा लोकसेवा आयोगमा पदपूर्तिको लागि सिफारिस भएमा लोकसेवा आयोगले आगामी असोजमा सहसचिव र उपसचिवका लागि विज्ञापन गर्नेछ । त्यसरी गरिएको विज्ञापनअनुसार आयोगले सहसचिवका लागि आगामी मंसिरमा र उपसचिवका लागि पुसमा परीक्षा सञ्चालन गर्नेछ ।

झन्डै १५ सय अधिकृत पद रिक्त
संघीय सरकारका विभिन्न निकायमा गरी अधिकृत तहमा झन्डै १५ सय पद रिक्त रहेको छ । गत वर्ष आयोगले अधिकृत पदको परीक्षाको सम्पूर्ण कार्य गर्न नसकेकाले अधिकृतको रिक्त पदसंख्या बढेको हो । मन्त्रालयले सहसचिव र उपसचिवको माग संख्यापछि अधिकृतको रिक्त पदमा माग गर्ने र सोहीअनुसार अधिकृतको पनि पदपूर्ति प्रक्रिया अगाडि बढाउने बताएको छ ।

तपाइको प्रतिक्रिया
(Visited 189 times, 1 visits today)

Ads Space Available

epaper

भर्खरै

यस्तो छ– एमडीएमएस खरिद अनियमितताको अन्तरकथा

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
सुदूरपश्चिमका २ नगरपालिका हाक्ने जिम्मेवारी महिला जनप्रतिनिधिको काँधमा