पल्पसा क्याफेमार्फत नाटकमा स्वस्तिमा

काठमाडौं । यसअघि चलचित्र र म्युजिक भिडियोमा प्रस्तुत हुँदै आएकी अभिनेत्री स्वस्तिमा खड्कालाई अब नाटकमा पनि देख्न पाइने भएको छ । पत्रकार नारायण वाग्लेको मदन पुरस्कार जित्न सफल उपन्यास ‘पल्पसा क्याफे’मा उनी पल्पसाको भूमिकामा प्रस्तुत हुँदै छिन् ।

मंगलबार काठमाडौंको अनामनगरस्थित मन्डला थिएटरमा आयोजित पत्रकार भेटघाटका क्रममा आफूले पहिलोपटक नाटकमा अभिनय गर्न लागेको उनले बताइन् । नाट्यकर्मी विमल सुवेदीसँग यो नाटकको कार्यशालामा व्यस्त स्वस्तिमाले नाटकमा काम गरिरहँदा धेरै कुरा सिक्न पाएको बताएकी छन् ।

मोडलिङ र ब्युटी पेजेन्टबाट ग्लामर क्षेत्रमा आएकी स्वस्तिमाले फिल्म ‘होस्टल रिर्टन्स’ बाट चलचित्र अभिनय यात्रा सुरु गरेकी थिइन् । आफ्नो पछिल्लो चलचित्र बुलबुलबाट अन्तर्राष्ट्रिय अवार्ड पाएपछि स्वस्तिमाले कलात्मक चलचित्रलाई पनि महत्व दिन थालेकी छन् ।

‘पल्पसा क्याफे मलाई साह्रै मन परेको उपन्यास हो । यो उपन्यासमा अभिनय गर्ने प्रस्ताव आएपछि मैले नाइँ भन्न सकिनँ ।’ आफ्नै श्रीमान् निश्चल बस्नेतको निर्माण निर्देशन गर्ने नयाँ चलचित्र जिन्दावादको तयारीमा रहेकी स्वस्तिमा अब केही साता यो नाटकमा व्यस्त हुनेछिन् ।

यो नाटकलाई विमल सुवेदीले निर्देशन गर्दै छन् । पल्पसाको चरित्रमा स्वस्तिमालाई सुहाउने देखेर नै आफूहरूले उनलाई यो नाटकमा प्रस्ताव गरेको विमलको भनाइ छ ।

विमलको भनाइमा उपन्यास पल्पसा क्याफेलाई सुरज सुवेदीले नाट्य रूपान्तरण गरेका छन् । रूपान्तरणको क्रममा उपन्यासको कथनमा असर नपर्नेगरी उपन्यासकार वाग्लेसँगको परामर्शमा केही परिमार्जन गरिएको पनि सुवेदीले बताएका छन् ।

यो नाटकमा स्वस्तिमासँगै समापिका गौतम, साजनकुमार सुनुवार, दीपेश राई, बच्चु हिमांशु, रामकृष्ण परियार, निमा शेर्पा, पूर्णिमा आचार्य, सुष्मा राई, रोशन निरौला र कपिल राईको अभिनय हेर्न पाइनेछ । यी कलाकारहरू पनि अहिले नाटकको अभ्यासमा व्यस्त छन् ।

केही वर्षअघि पोखरामा द्वन्द्वकालमा बेपत्ता पारिएका व्यक्तिका परिवारको कथामा ‘खबर हराएका चिठी’ नाटक मञ्चन गरेपछि त्यस्तै कथामा अर्को नाटक गर्ने सोच बनाएको र सोही सोचअनुसार अहिले पल्पसा क्याफेलाई मञ्चमा उतार्न लागेको पनि निर्देशक सुवेदीले पत्रकार भेटघाटका क्रममा प्रकाश पारे । विमलको सोचअनुसार नै यो उपन्यासमा पुस्तक तत्कालीन शसत्र द्वन्द्वको चित्रण गरेका कारण यसलाई नाटकमा उतार्न लागेको उनले बताए ।

आफ्नो उपन्यास पल्पसा क्याफे नाटकको रूपमा मञ्चमा आउन लाग्दा आफूलाई निकै खुसी लागेको लेखक नारायण वाग्लेले बताएका छन् । यो नाटकको मञ्चन अन्तिम तयारीमा पुगेकाले अब यसलाई मञ्चन सुरु गरिने भएको छ । नाटकको सम्पूर्ण तयारी पूरा हुन लागेको पत्रकार भेटघाटका क्रममा जानकारी गराइयो ।

तपाइको प्रतिक्रिया
(Visited 236 times, 1 visits today)

Ads Space Available

epaper

भर्खरै

गड्तौलालाई कामु मुख्यसचिवको जिम्मेवारी दिने सरकारको निर्णय

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
चुरेमा अध्यक्षमा एमाले र उपाध्यक्षमा काँग्रेस उम्मेदवार विजयी