दाइजोलाई चुनौती दिदै अन्तरजातिय विवाह

सर्लाही । दाइजो प्रथालाई चुनौती दिदै एक जोडिले आदर्श विवाह गरेका छन् । विगत लामो समयदेखि प्रेम सम्बन्धमा रहेका जोडिले अभिभावकलाई राजी गराउन भने निकै धेरै चुनौतीको सामना गर्नु पर्यो । मधेसमा दाइजो नलिई बिबाह गर्छु भनेर सोच्नु फलामको चिउरा चपाउनु जतिकै गाह्रो छ ।

सर्लाही जिल्लाको चक्रघटा गाउँपालिका वडा न. ३ सुन्दरपुर निवासी राकपुकार साहको २५ बर्षिय छोरा मुकेश साहले भने परिवारलाई मनाएरै दाईजो बिहिन बिबाह गरे ।

कलेजको त्यो भेट

मुकेशले २०६६ सालमा देवधारी माध्यमिक विद्यालय सुन्दरपुरबाट एस एलसी दिएपछि विरगंजमा रहेको जनज्योति उच्च माध्यमिकबाट वाणिज्य संकायमा प्लस टु उत्तिर्ण गरे । स्नातक अध्ययनका लागि काठमाडौं छिरेका मुकेशले काठमाडौंमा मेघा कलेज भर्ना भए त्यहि कलेजमा भेट भयो रौतहट जिल्ला चन्द्रनगर नगरपालिका २ निवासी महेन्द्र गुप्ताको छोरी अनुराधा गुप्तासंग ।

अनुराधा भर्खरै एसएलसी उत्तीर्ण गरेर कलेज पढन काठमाडौ छिरेकी थिइन् । दुवैजना एउटै समाजिक परिवेशबाट आएकोले दुवैको लागि उपत्यका नौलो ठाउँ थियो । दुवैमा मित्रता हुनु नौलो थिएन ।

यहि भेट विस्तारै प्रेममा परिवर्तन भयो । उनीहरुको हिमचिम सुरु भएको अनुराधाकी मामा हुदै आमाबुबासम्म कुरा पुग्यो । भनिन्छ मधेसी समाजमा विवाह अगाडी प्रेम गर्ने स्वतन्त्रता अझै कमजोर छ । त्यसमाथी उनीहरुको जात फरक थियो ।

पारिवारिक दवावमा काठमाडौ छाडिन् अनुराधाले

मुकेशसंग प्रेम गरेकै कारण पारिवारिक दवावमा अनुराधा काठमाडौ छाड्न वाध्य भइन् । रौतहटकै कलेजमा स्नातक तहमा भर्ना भइन् । यता मुकेश एमबिए पढनका लागि कान्तिपुर भ्यालि कलेजमा भर्ना भए ।

दुवै फरक फरक कलेजमा थिए । बसाई टाढा थियो तर, माया झन झन गाढा हुँदै गयो । तर, पनि सजिलै बिहे सम्भव थिएन । मधेसी समाजमा अन्तरजातिय विवाहलाई अहिले पनि संस्कार विरोधि मानिन्छ । छोरा छोरीले अर्को जातको केटासंग बिहे गर्दा नाक नै कटिन्छ भने विश्वास कायमै छ ।

जब दुबैले अभिभावकसंग कुरा गरे सहमत भएनन् । तर, उनीहरु आफु जसरी पनि विवाह गर्ने योजनामा थिए । अनुराधाले पार्ट टाइम जागीर खोजिन् र कोठा भाडामा लिएर घरवाट छुट्टै बस्न थालिन् ।

जब घर छाडे

यता मुकेशले पनि त्यहि शैली अपनाए । मुकेश कृषि विकास बैंकमा काम गर्छन भने अनुराधा जनता लाईफ इन्स्योरेन्समा । जागीर खाएपछि पनि उनीहरुले आ आफ्ना बुबालाई मनाउन सकेनन् । अनुराधा भन्छिन् ‘अन्तिममा १० कक्षा पठ्दै गरेको मेरो भाइले मलाई विवाह गर्ने प्रेरणा दियो ।’

अन्ततका उनीहरुका दुबै बाहरुले हारे र परिवारक सहमति हिन्दु विधिपूर्वक सर्लाही जिल्लाको नयाँरोड स्थित सिता पैलेस होटेलमा विवाह सम्पन्न भयो, त्यो पनि दाईजो बिहिन । ‘हाम्रो होटेलमा लगनको दिन प्राय विवाह भइरहन्छ । दाईजो विनाको विवाह यो पहिलो हो ।’ होटेलका मेनेजर मुकुन्द बस्नेतले बताए ।

तपाइको प्रतिक्रिया
(Visited 336 times, 1 visits today)

Ads Space Available

epaper

भर्खरै

नेतृ रेखा थापाद्वारा राप्रपाको विशेष महाधिवेशन माग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
गठबन्धनबाट अध्यक्षका उम्मेद्वार विरुद्ध वेरुजु रहेको उजुरी