बिजुली बलेपछि झिलिमिली गाउँ

रुकुम पश्चिम । आठबिसकोट नगरपालिका–३ खदी गाउँ अँध्यारोमुक्त भएको छ । गाउँमा बिजुली बत्ती बलेपछि सिंगै गाउँ झिलिमिली भएको छ ।

केही समययता खदिका स्थानीय दियालो बाल्न बाध्य थिए । गाउँमा बिजुली बलेपछि अहिले अँगेनामा आगो सल्काउन बाहेक दियालो प्रयोग बन्द भएको छ । नेपाल विद्युत् प्राधिकरणले जिल्लाको दुर्गम गाउँ खदिमा केन्द्रिय लाइन विस्तार गरेपछि खदीवासीले दियालोबाट मुक्ति पाएका हुन् ।

नगरपालिकाका १४ वडामध्ये ३ नम्बर वडाको खदीमा पहिलो पटक केन्द्रीय प्रसारण लाइनको बिजुली बलेको हो । ‘बाजेको पालादेखि नै उज्यालोका लागि सल्लाको दियालो प्रयोग गरिरहेका थिए,’ स्थानिए कृष्णराज केसीले भने, ‘गाउँमा बिजुली बल्न थालेपछि उज्यालो युगको महसुस गरेका छौं ।’ बत्तीले घर–आँगन मात्र होइन, मन पनि उज्यालो भएको के सिले बताए । ‘गाउँ सँगै मन पनि झलमल्ल भएको छ,’ उनले भने, ‘वर्षौंदेखिको अँध्यारोको सास्तीबाट बल्ल मुक्ति पायौं ।’

अहिलेसम्म खदीका ५७ घरमा मिटरबक्स जडान गरी बिजुली बालिएको छ । २ सय ५७ घरमा विद्युत् पु-याउने गरी केन्द्रीय प्रसारण लाइन विस्तार थालिएको वडाध्यक्ष केशरमान विकले बताए । ‘अरू घरमा पनि मिटर जडान गरिरहेका छौं,’ उनले भने, ‘एक महिनाभित्र सबै घरमा बिजुली बल्नेछ ।’ सडकको पहुँच नभएको गाउँमा पनि बिजुली बलेपछि स्थानीयवासी खुसी भएको उनको भनाइ छ ।

पुस २५ गते खदीको ट्रान्सफर्मरमा बिजुली बलेको थियो । नेपाल विद्युत् प्राधिकरणको लाइन विस्तार परियोजनाअन्तर्गत जिल्लाका अन्य ठाउँमा पनि विद्युत् विस्तार तीव्र पारिएको छ । हाइड्रो इनर्जी÷महाशक्ति जेभीले जिल्लामा विद्युत् विस्तारको काम गरिरहेको हो । निर्माण कम्पनीका प्रतिनिधि हरि चन्दका अनुसार १९ करोड ३७ लाख रुपैयाँको लागतमा विद्युत् विस्तारको काम भइरहेको छ । जिल्लामा प्राधिकरणका झन्डै १२ हजार उपभोक्ता छन् ।

रुकुम पश्चिममा सल्यान र जाजरकोटका सबस्टेसनबाट विद्युत् आपूर्ति सुरु भएको छ । सल्यानको शीतलपाटी र जाजरकोटको कुदु सबस्टेसनबाट विद्युत् आपूर्ति थालिएको हो ।

यसअघि सल्यानको शीतलपाटीबाट मात्र विद्युत् आपूर्ति भइरहेको थियो । कुदु सबस्टेसनबाट चौरजहारी नगरपालिका र सानीभेरी गाउँपालिकामा विद्युत् आपूर्ति सुरु गरिएको रुकुम वितरण केन्द्र प्रमुख त्रिलोचन भट्टराईले बताए । ‘शीतलपाटीदेखि रुकुम पश्चिमसम्मको लामो लाइनमा बेलाबेला खराबी आउँदा विद्युत् अनियमित भइरहेको थियो,’ उनले भने, ‘अब जिल्लाभरि विद्युत् नियमित हुने अपेक्षा छ ।’ उनका अनुसार दुवै सबस्टेसनबाट ११ केभी विद्युत् लाइन आपूर्ति भएको छ ।

रुकुम पश्चिमको मुसिकोट नगरपालिका–३ धैरनीचौरमा पनि विद्युत् सबस्टेसन बन्दै छ । यसै महिनाभित्र उक्त सबस्टेसनबाट पनि विद्युत् आपूर्ति थालिने भट्टराईले बताए । उनका अनुसार धैरेनीचौरमा ३३ केभी क्षमताको विद्युत् आपूर्ति हुने गरी निर्माणको काम अन्तिम चरणमा पुगेको हो । कुदु सबस्टेसनको विद्युत्लाई जिल्लाका झन्डै १२ हजार ग्राहकसँग लिंक गरिएको छ ।

लामो सबस्टेसनबाट आपूर्ति भएको विद्युतका कारण सर्वसाधारण तथा उद्योगी–व्यवसायीले मार खेप्दै आएका थिए । ‘दुई ठाउँबाट विद्युत् सप्लाई हुने भएपछि केही राहत भएको छ।

तपाइको प्रतिक्रिया
(Visited 654 times, 3 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
रौतहटका सबै स्थानीय तहको मत गणना सकियो (सूचीसहित)