काठमाडाैं । दुर्गादेवी नेपालको ‘बगेको खोला’लाई २०७९ सालको ‘गोधूलि पुरस्कार’ प्रदान गरिने भएको छ । गोधूलि साहित्य प्रतिष्ठानद्वारा प्रदान गरिने दस हजार रूपैयाँ राशि र ताम्रपत्र सहित ‘गोधूलि पुरस्कार’ विशेष कृतिका रुपमा ‘बगेको खोला’लाई प्रदान गरिने निर्णय भएको हो ।

गोधूलि साहित्य प्रतिष्ठानका अध्यक्ष श्रीमती गङ्गा लिगलको अध्यक्षातामा बसेको बैठकले सो निर्णय गरेको संस्थाद्वारा जारी विज्ञप्तीमा उल्लेख छ । विराटनगर निवासी ८५ वर्षीय श्रीमती दुर्गादेवी नेपाल दसौँ वर्षदेखि विभिन्न रोगले ग्रस्त छिन् । हाल उनको बसोवास काठमाडौँमै रहेको गोधूलि साहित्य प्रतिष्ठानका संयाेजक प्रकाश समिरले जानकारी दिए ।