माधव नेपाल र बाबुराम भट्टराईलाई पनि कारबाही गरियोस् : प्रभु साह

काठमाडौं । ललिता निवासको जग्गा हिनामिना प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराईलाई अख्तियार दुरुपयोग अनुसन्धान आयोगले जोगाएको भन्दै नेपाल कम्युनिष्ट पार्टी (नेकपा) प्रदेश २ का अध्यक्ष प्रभु साहले आपत्ति जनाएका छन् ।

सत्तारुढ नेकपा केन्द्रीय सदस्य समेत रहेका साहले आफ्नो फेसबुक पेज मार्फत आपति जाउँदै उनले अनियमितता गर्ने सबैमाथि कानून अनुसार कारवाही हुनुपर्ने माग समेत गरेका छन् ।

‘कार्यकारी अधिकार प्रधानमन्त्रीमा रहेको शासन प्रणालीमा सही वा गलत जुनसुकै कार्यको जिम्मेवारी स्वयं प्रधानमन्त्रीमा हुने कुरा स्पष्ट छ’, साहले लेखेका छन् ‘तर ललिता निवास जग्गा प्रकरणमा प्रस्तावक मन्त्री दोषी र निर्णयकर्ता प्रधानमन्त्री निर्दोष भन्ने अख्तियार दुरुपयोग अनुसन्धान आयोगको निर्णय हास्यास्पद छ ।’

अख्तियारको उक्त दकम न्यायपूर्ण नभएको दाबी गर्दै उनले प्रष्ट गर्दै थप लेखेका छन, ‘प्रस्तावक मात्र दोषी र निर्णयकर्ता निर्दोष, यो कहाँको न्याय हो ?’

कानुनी कमजोरीलाई हटाउन माग गर्दै अध्यक्ष साहले लेखेका लेखेका छन्, ‘हिजोको सामन्ती व्यवस्थामा राजा र राजपरिवार बाहेकलाई मात्र कानुन लाग्ने प्रावधान गणतन्त्रमा पनि पुनरावृत्ति हुनु लज्जास्पद हो ।’ यदि संविधान र कानुन यसको बाधक हो भने यस्तो व्यवस्था नचाहिने आक्रोश समेत उनले व्यक्त गरेका छन् ।

‘सानालाई ऐन, ठुल्लालाई चयन’ कम्युनिष्ट सरकारका लागि सुहाउने विषय किमार्थ हुन् नसक्ने जनाउँदै उनले यस विषयमा सम्बन्धित सबैको ध्यान जान जरूरी रहेको उल्लेख गरेका छन् ।

ललिता निवास जग्गा प्रकरणमा पूर्वप्रधानमन्त्रीद्धय नेपाल र भट्टराई मुछिए पनि उनीहरूमाथि अख्तियारले मुद्दा चलाएको छैन । जग्गा फिर्ता गर्ने भएपछि नेकपा महासचिव विष्णु पौडेलमाथि पनि मुद्दा दर्ता भएको छैन ।

पौडेलको जग्गा शुक्रबार सरकारको नाममा फिर्ता भएको छ । अख्तियारले उक्त प्रकरणमा पूर्वउपप्रधानमन्त्री विजयकुमार गच्छदारसहित १७५ जनामाथि विशेष अदालतमा भ्रष्टाचार मुद्दा दर्ता गरेको छ । अहिले यही बिषयमा प्रमुख प्रतिपक्षी नेपाली काँग्रेसले संसद अवरुद्ध गर्दै सडकमा समेत आन्दोलन गरिरहेको छ ।

तपाइको प्रतिक्रिया
(Visited 68 times, 1 visits today)

Ads Space Available

epaper

भर्खरै

गठबन्धनमभित्र ‘पावर सेयरिङ’ बैठक तीब्र

कुरी-कुरी

राजधानी राष्ट्रिय दैनिक:कुरी-कुरी – कार्तिक ३०, २०७९
राजधानी राष्ट्रिय दैनिक:कुरी-कुरी – कार्तिक ३०, २०७९